Atil Ævar skoraði tvö mörk | Daníel varði vel

Atil Ævar Ingólfsson skoraði tvö mörk þegar Guif gerði jafntefli við RK Nexe í EHF-bikarnum í handbolta, en leikið var í Króatíu.

Staðan var 18-17 fyrir gestunum í Guif í hálfleik, en eftir dramatískar lokamínútur var lokaniðurstaðan 29-29.

Aron Rafn Eðvarðsson var einnig í leikmannahóp Guif, en Kristján Andrésson þjálfar sem kunnugt er Guif.

Daníel Freyr Andrésson stóð sig vel í marki SönderjyskE sem tapaði naumlega gegn Ribe-Esbjerg í dönsku úrvalsdeildinni í handbolta í kvöld.

Daníel varði sjö skot eða um 41% markvörslu, en lokatölur urðu 21-19 sigur Ribe-Esbjerg. Staðan var 12-6 fyrir Esbjerg í hálfleik.