Gunnar Steinn skoraði eitt gegn botnliðinu

Gunnar Steinn Jónsson skoraði eitt mark úr einu skoti þegar Vfl Gummersbach tapaði á útivelli gegn botnliðinu BBM Bietigheim, 23-21. Staðan var 12-11 Bietigheim í vil í hálfleik.

Leikurinn var jafn og spennandi nánast allan tímann, en Gunnar Steinn minnkaði muninn í 20-19 með sínu fyrsta og eina marki leiksins.

Andre Lohrbach skoraði sex mörk fyrir Bietigheim, en Andreas Schröder skoraði sex mörk fyrir Gummersbach.

Bietigheim er enn á botninum, en Gummersbach er í áttunda sæti deildarinnar.