Beck virðir West: Kanye ætlaði aftur óboðinn upp á svið

Kanye West ætlaði að endurtaka leikinn og fara óboðinn upp á svið á Grammy-verðlaunahátíðinni í gær þegar Beck fékk verðlaun fyrir plötu ársins. Uppákoman í gær var vísun í það þegar Kanye fór upp á svið þegar Taylor Swift tók við verðlaunum á MTV VMA-hátíðinni.

Í bæði skiptin var verið að sniðganga söngkonuna Beyoncé.

Í fyrstu virtist sem Kanye væri að grínast og hlógu gestir að þessu uppátæki hans. 





Beck virðist hafa brugðið mjög, sjálfum:







Kanye tók svo allan vafa af hvort að um grín hafi verið að ræða því hann sagði í viðtali að Beck ætti verðlaunin ekki skilið:

„Beck þarf að virða listamennsku og hefði átt að gefa Beyoncé verðlaunin sín. Maður er orðinn þreyttur á svona hlutum, þarna er verið að gera lítið úr listinni. Menn eru ekki að virða listina og eru að slá fólk utanundir eftir að það vann listrænt þrekvirki. Hér er verið að vanvirða listrænan innblástur," sagði hann í samtali við E! sjónvarpsstöðina.

Kanye segist vilja berjast fyrir sköpunargleðinni. Hann segist ekki hafa gengið eins langt og hann gerði árið 2009 því hann var með fjölskylduna sína með sér. „Það er ástæðan fyrir því að ég sagði ekkert í kvöld. En þið vitið öll hvað það þýddi þegar 'Ye steig á svið," útskýrði hann, og já, talaði um sig í 3. persónu.

Beck sjálfur segist hafa búist við sigri Beyoncé. „Ég hélt að hún myndi vinna. Kommon...Þetta er Beyoncé."

Beck lýsti svo tilfinningum sínum:

„Ég var bara mjög spenntur þegar hann var að koma að sviðinu," segir hann í samtali við US Weekly, um Kanye West og heldur áfram:

„Kanye West á skilið að vera á sviðinu. Hversu margar klassískar plötur hefur hann gefið út á síðustu fimm árum."

Beck segist halda upp á Kanye og kallar hann snilling.