Neil Young fór í partí í Hörpu í gær

Bandaríski stórsöngvarinn Neil Young fór í partý í Hörpu í gærkvöldi. Þar var hann staddur ásamt Wachowski systkinunum og Daryl Hannah, kærustunni sinni.

Stjörnurnar voru staddar í svokölluðu „wrap" partíi fyrir Sense8 sjónvarpsþættina, sem Wachowski systkinin framleiða einmitt.

Þættirnir eru um hóp ókunnugs fólks sem tengist andlega og tilfinningalega. Fólkið býr víðsvegar um heiminn en verður að sameinast til þess að standa af sér árásir manna sem vilja koma því fyrir kattarnef.

Daryl Hannah og Neil Young hafa sést spóka sig um í höfuðborginni. Hannah er 54 ára gömul og Neil Young er 69 ára. Vitað er að þau hafi verið að hittast síðan í september í fyrra, en líklegt þykir að þau hafi byrjað að hittast fyrr. Þá sagði tímaritið People frá því að þau höfðu verið saman í versluninni Sur La Table, sem selur vörur fyrir heimilið.