Mömmur með stóran rass eiga gáfaðari börn

Þær konur sem eru með stóran botn eiga gáfaðari börn. Þetta eru niðurstöður rannsóknar sem gerð var í University of Pittsburgh í Bandaríkjunum.

Þær konur sem eru með „erfiða“ eða „þráláta“ fitu á rassinum eiga gáfaðari börn, að sögn rannsakenda, vegna þess að fitan á þessu svæði hjálpar til við að byggja upp taugakerfi barnanna.

„Fitan á þessu svæði hjálpar til við að byggja upp heilastarfsemi barnanna,“ segir Will Lassek, prófessor í lýðheilsufræði og leiðtogi rannsóknarliðsins.

Hann segir að þessi mikilvægu byggingaefni taugakerfisins fari í brjóstamjólkina, auk þess sem þau nýtast á meðgöngu.

Hér að neðan má heyra lagið I like Big Buts með Sir Mix-A-Lot. Spurning hvort að hann hafi séð þessa þróun fyrir.