Vergne: Betra að vera þróunarökumaður Ferrari en að keppa fyrir lítið lið

Jean-Eric Vergne segist glaður með þróunarökumannshlutverkið hjá Ferrari. Hann var látinn fara frá Toro Rosso eftir tímabilið 2014.

Franski ökumaðurinn segist frekar vilja hafa þróunarökumannssæti hjá háttvirtu liði eins og Ferrari en að vera að keppa um síðustu sætin með „Caterham eða Marussia“.

„Ég veit að ég gaf allt sem ég átti og sé þess vegna ekki eftir neinu. Núna er ég hjá Ferrari sem er frábært tækifæri fyrir 2016,“ sagði Vergne.

„Fyrst að ég fékk ekki keppnissæti í ár, held ég að það sé betra að þróunarökumannssætið hér en að vera hjá Caterham eða Marussia og vera alltaf aftastur,“ bætti Vergne við.

Hann var einnig feginn að fá hlutverk þróunarökumanns fram yfir að vera varaökumaður. Þrátt fyrir að það gæti gefið honum smá von um að keppa ef Sebastian Vettel eða Kimi Raikkonen gætu ekki tekið þátt. Esteban Gutierrez er varaökumaður hjá Ferrari núna.

„Í hreinskilni sagt vil ég vera að vinna í ökuherminum og gera eitthvað gagnlegt, frekar en að vera vara. Í dag er hlutverk varaökumanns að vera á brautinni án þess að gera neitt sérstakt. Það væri þreytandi að geta ekki hjálpað liðinu, svo mér þykir mitt hlutverk mikilvægt,“ bætti Vergne við.