Ótrúlegur klaufaskapur hjá reiðum íshokkíspilara

Íshokkímaðurinn Mitchell Skiba hefur gefið fólki um allan heim tilefni til að brosa. Ástæðan er klaufaskapur Skiba þegar hann hélt til búningsklefa eftir að hafa verið vísað af velli í leik Alpena Flyers og MC Monarchs um síðustu helgi.

Dómari leiksins hafði vísað Skiba af velli fyrir svokallaða blaðstungu (e. spearing) og var Skiba allt annað en sáttur. Á leið sinni af vellinum tók hann því kylfuna og sló henni í glerið á leið sinni af svellinu.

Skiba misreiknaði hins vegar eitthvað breidd hliðsins og festist kylfan þversum með þeim afleiðingum að Skiba rakst í hana með ansi broslegum afleiðingum.

Sjá má myndband af atvikinu að neðan.