Nowitzki tók fram úr Malone | Myndbönd

Þjóðverjinn Dirk Nowitzki komst í nótt upp í sjöunda sæti á lista yfir þá sem hafa skorað flest stig í sögu NBA-deildarinnar.

Nowitzki setti niður þrist í framlengingu gegn Brooklyn sem kom honum fram úr Moses Malone. Hann er nú búinn að skora 27.412 stig á ferlinum.

„Þetta sautjánda tímabil mitt í deildinni er búið að vera skrautlegt. Þetta er mikill heiður enda var Moses stórkostlegur leikmaður," sagði Nowitzki eftir sigurleikinn.

Hinn 36 ára gamli Nowitzki eltir núna Shaquille O'Neal á listanum en hann skoraði 28.569 stig á sínum tíma.

Hér að neðan má sjá er Nowitzki fer fram úr Malone og líka innslag um Malone sem og þá báða.