Airbnb opnar fyrir heimagistingar á Kúbu

Heimasíðan Airbnb hefur bætt Kúbu við á lista síðunnar yfir þau lönd þar sem boðið er upp á heimagistingar.

Rúmlega þúsund eignir á Kúbu eru þegar á lista Airbnb, en enn sem komið er er einungis mögulegt að bóka slíkar eignir í Bandaríkjunum.

Í frétt BBC segir að enn sé ekki mögulegt að bóka gistingu á Kúbu utan Bandaríkjanna vegna viðskiptabanns Bandaríkjanna.

Forsvarsmenn síðunnar segja þó ljóst að Kúba muni á endanum verða einn mikilvægasti markaður Airbnb í þessum heimshluta.

Um 40 prósent eignanna sem eru auglýstar á síðunni eru í höfuðborginni Havana.