Fimmtíu ferðamönnum bjargað við Álftavatn Kolbeinn Tumi Daðason skrifar 11. júlí 2014 11:28 Frá Álftavatni í gærkvöldi. Mynd/Stefán Jökull Um áttatíu manns voru á tjaldsvæðinu við Álftavatn við Laugaveginn, gönguleiðina á milli Landmannalauga og Þórsmerkur, í gærkvöldi í óveðri. Stefán Jökull Jakobsson, sem starfað hefur sem skálavörður við Álftavatn frá árinu 2000, segist aldrei hafa upplifað neyðarbjörgun líkt og þá sem fram fór á tjaldstæðinu. Í samtali við Vísi segist Stefán Jökull hafa farið að hafa áhyggjur af veðrinu í gær og hringt í veðurstofuna um áttaleytið. Hann hafi fengið þau skilaboð að vindur myndi vaxa og von væri á úrhelli. Í kjölfarið hafi Stefán Jökull og fleiri gengið um tjaldsvæðið og tekið stöðuna á gestunum. Erlendir ferðamenn voru þar í miklum meirihluta. „Rétt um níuleytið gerir þennan svakalega hvell,“ segir Stefán Jökull. „Eitt tjaldið springur, fýkur út í vatn og í burtu.“ Alls hafi þrjú tjöld fokið í burtu sem þeir hafi ekki séð tangur né tetur af síðan. Vindurinn var það mikill. „Ég er 105 kíló en var farinn að fjúka hressilega til.“Frá Álftavatni í gærkvöldi.Mynd/Stefán JökullFlutt með rútu á Hvolsvöll Stefán Jökull segir það hafa verið lán í óláni að rútufyrirtækið Sæmundur Sigmundsson hafi verið með rútu á svæðinu. Tekin hafi verið ákvörðun um eittleytið í nótt að flytja fimmtíu erlenda ferðamenn á Hvolsvöll og það hafi bílstjóri rútunnar tekið að sér. Á Hvolsvelli hafi lögreglan gert sérstaklega vel í að útvega fólkinu gistingu. Ferðamennirnir fimmtíu voru á öllum aldri. Hluti af þeim var danskur skátahópur í æfingaferð. „Lögreglan hringdi út og gistiheimilið Heimaland var opnað,“ segir Stefán Jökull. Rútan hafi keyrt ferðalangana undir Eyjafjöll. Ekki hafi verið forsenda fyrir því að fólkið héldi ferð sinni áfram á Laugarveginum. Stefán Jökull telur að líklega hafi aðeins tveir af ferðamönnum fimmtíu verið nógu vel búnir til þess að halda för áfram. Auk þess hafi bróðurparturinn af tjöldunum verið rifinn, súlur brotnar og allur viðurlegubúnaður orðinn gegnblautur. Stefán Jökull segir að því sé ekki saman að jafna þegar Íslendingar lendi í óveðri líkt og í gær og útlendingar. Fólk hafi fengið áfall og greinilega verið brugðið. „Neyðarópin í sumu fólkinu þegar vindhviðurnar komu voru eins og innileg hræðsluöskur barna,“ segir Stefán Jökull sem aðstoðaði fólkið við að komast inn í skálann. Margir lögðu hönd á plóg og segir Stefán Jökull alla hafa lagst á eitt. „Í svona aðstæðum er það bara íslenski hátturinn. Það fara allir og leysa vandamálin,“ segir skálavörðurinn. Um þrjátíu manns hafi haldið kyrru fyrir í tjöldum sínum í nótt. Fararstjórar þeirra hafi vakað alla nóttina og fylgst með þeim. Stefán Jökull telur ólíklegt að margir hafi fest svefn í tjöldunum í nótt.Frá vettvangi við Álftavatn.Mynd/Margrét Helga ÍvarsdóttirEinn af fimmtíu ósáttur Stefán Jökull segir einn erlendu ferðamannanna hafa orðið sérstaklega illa fyrir barðinu á óveðrinu. Hann hafi verið að gista sína aðra nótt hér á landi og ætti tveggja vikna ferðalag eftir. Hans tjald hafi verið eitt þeirra sem fauk út í veður og vind. Þá hafi allir ferðamennirnir nema einn hafi verið ánægðir með viðbrögð Stefáns Jökuls og félaga, þ.e. þá ákvörðun að flytja alla fimmtíu með rútu í Heimaland. „Einn af þeim var ekki sáttur að þau fengu ekki valkost hvort þau færu með rútunni niður eftir. Allir aðrir voru ánægðir með hvernig við tókum á hlutunum,“ segir Stefán Jökull. Hann sé mjög sáttur við ákvörðunina sem tekin var enda hafi 70 manns staðið upp á endann í skálanum í gærkvöldi. Stefán Jökull segir um 10 m/s í Álftavatni sem stendur og talsvert mikla rigningu. Allir skálar á svæðinu séu fullir hvort sem er í Hrafntinnuskeri, Hvanngili eða Emstrum. Alls staðar hafi fólk flúið inn í skála í gærkvöldi. Mest lesið Átök á aðalfundi og lögregla kölluð til Innlent Segir samstarfsfólk Katrínar hafa hvatt sig til að draga sig úr leik Innlent De Niro kallaði Trump skrímsli fyrir utan dómshúsið Erlent „Er búinn að blokka 237 manneskjur á tíu dögum“ Innlent „Fyrirvarinn var í rauninni enginn“ Innlent Sindri Freyr er látinn Innlent Undir yfirborði kosningabaráttunnar kraumi svæsinn slagur Innlent Fyrstu tölur frá Reykjavík ættu að gefa góða mynd af úrslitum Innlent Öllu tjaldað til við opnun nýrra undirganga Innlent Katrín græði stórum á vangetu kjósenda til að kjósa taktískt Innlent Fleiri fréttir Öllu tjaldað til við opnun nýrra undirganga Segir samstarfsfólk Katrínar hafa hvatt sig til að draga sig úr leik Átök á aðalfundi og lögregla kölluð til Undir yfirborði kosningabaráttunnar kraumi svæsinn slagur Bíða krufningar til að varpa ljósi á atburðarásina „Fyrirvarinn var í rauninni enginn“ Fyrstu tölur frá Reykjavík ættu að gefa góða mynd af úrslitum „Er búinn að blokka 237 manneskjur á tíu dögum“ Katrín græði stórum á vangetu kjósenda til að kjósa taktískt Andlát í Bolungarvík og forsetaefni í slorinu Héraðsdómur ruddur vegna fjölskyldutengsla og fyrri starfa dómara Áfengi og fíkniefni mældust í stýrimanninum Tvíburafolöld mætt í heiminn í Suðurnesjabæ Ferðafólki bjargað úr sjálfheldu við Þiðriksvallavatn Þriðjungur þekkir ekki neitt til Eiríks og Viktors Sindri Freyr er látinn Voru látin í einhvern tíma áður en lögregla fór inn Vill sjá leiðtoga á Norðurlöndunum en ekki aumingja og gungur Mótor bátsins var of stór og mennirnir ekki í björgunarvestum Óttast að þvingun og nauðung verði færð í lög Andlát til rannsóknar í Bolungarvík Áhyggjur læknanna ótímabærar og byggðar á misskilningi Ástandið í Hafnarfirði geti haft langvarandi áhrif á börn „Okkar hlutverk að halda utan um hvert annað“ Ræddu lokasprett æsispennandi kosningabaráttu Biður kvikmyndagerðarmanninn afsökunar Tvö látin en ekkert bendi til saknæms atburðar Enginn í haldi í tengslum við mannslát í Bolungarvík Slökkvilið kallað út vegna sprenginga í Hafnarfirði Lögregla rannsakar andlát í Bolungarvík Sjá meira
Um áttatíu manns voru á tjaldsvæðinu við Álftavatn við Laugaveginn, gönguleiðina á milli Landmannalauga og Þórsmerkur, í gærkvöldi í óveðri. Stefán Jökull Jakobsson, sem starfað hefur sem skálavörður við Álftavatn frá árinu 2000, segist aldrei hafa upplifað neyðarbjörgun líkt og þá sem fram fór á tjaldstæðinu. Í samtali við Vísi segist Stefán Jökull hafa farið að hafa áhyggjur af veðrinu í gær og hringt í veðurstofuna um áttaleytið. Hann hafi fengið þau skilaboð að vindur myndi vaxa og von væri á úrhelli. Í kjölfarið hafi Stefán Jökull og fleiri gengið um tjaldsvæðið og tekið stöðuna á gestunum. Erlendir ferðamenn voru þar í miklum meirihluta. „Rétt um níuleytið gerir þennan svakalega hvell,“ segir Stefán Jökull. „Eitt tjaldið springur, fýkur út í vatn og í burtu.“ Alls hafi þrjú tjöld fokið í burtu sem þeir hafi ekki séð tangur né tetur af síðan. Vindurinn var það mikill. „Ég er 105 kíló en var farinn að fjúka hressilega til.“Frá Álftavatni í gærkvöldi.Mynd/Stefán JökullFlutt með rútu á Hvolsvöll Stefán Jökull segir það hafa verið lán í óláni að rútufyrirtækið Sæmundur Sigmundsson hafi verið með rútu á svæðinu. Tekin hafi verið ákvörðun um eittleytið í nótt að flytja fimmtíu erlenda ferðamenn á Hvolsvöll og það hafi bílstjóri rútunnar tekið að sér. Á Hvolsvelli hafi lögreglan gert sérstaklega vel í að útvega fólkinu gistingu. Ferðamennirnir fimmtíu voru á öllum aldri. Hluti af þeim var danskur skátahópur í æfingaferð. „Lögreglan hringdi út og gistiheimilið Heimaland var opnað,“ segir Stefán Jökull. Rútan hafi keyrt ferðalangana undir Eyjafjöll. Ekki hafi verið forsenda fyrir því að fólkið héldi ferð sinni áfram á Laugarveginum. Stefán Jökull telur að líklega hafi aðeins tveir af ferðamönnum fimmtíu verið nógu vel búnir til þess að halda för áfram. Auk þess hafi bróðurparturinn af tjöldunum verið rifinn, súlur brotnar og allur viðurlegubúnaður orðinn gegnblautur. Stefán Jökull segir að því sé ekki saman að jafna þegar Íslendingar lendi í óveðri líkt og í gær og útlendingar. Fólk hafi fengið áfall og greinilega verið brugðið. „Neyðarópin í sumu fólkinu þegar vindhviðurnar komu voru eins og innileg hræðsluöskur barna,“ segir Stefán Jökull sem aðstoðaði fólkið við að komast inn í skálann. Margir lögðu hönd á plóg og segir Stefán Jökull alla hafa lagst á eitt. „Í svona aðstæðum er það bara íslenski hátturinn. Það fara allir og leysa vandamálin,“ segir skálavörðurinn. Um þrjátíu manns hafi haldið kyrru fyrir í tjöldum sínum í nótt. Fararstjórar þeirra hafi vakað alla nóttina og fylgst með þeim. Stefán Jökull telur ólíklegt að margir hafi fest svefn í tjöldunum í nótt.Frá vettvangi við Álftavatn.Mynd/Margrét Helga ÍvarsdóttirEinn af fimmtíu ósáttur Stefán Jökull segir einn erlendu ferðamannanna hafa orðið sérstaklega illa fyrir barðinu á óveðrinu. Hann hafi verið að gista sína aðra nótt hér á landi og ætti tveggja vikna ferðalag eftir. Hans tjald hafi verið eitt þeirra sem fauk út í veður og vind. Þá hafi allir ferðamennirnir nema einn hafi verið ánægðir með viðbrögð Stefáns Jökuls og félaga, þ.e. þá ákvörðun að flytja alla fimmtíu með rútu í Heimaland. „Einn af þeim var ekki sáttur að þau fengu ekki valkost hvort þau færu með rútunni niður eftir. Allir aðrir voru ánægðir með hvernig við tókum á hlutunum,“ segir Stefán Jökull. Hann sé mjög sáttur við ákvörðunina sem tekin var enda hafi 70 manns staðið upp á endann í skálanum í gærkvöldi. Stefán Jökull segir um 10 m/s í Álftavatni sem stendur og talsvert mikla rigningu. Allir skálar á svæðinu séu fullir hvort sem er í Hrafntinnuskeri, Hvanngili eða Emstrum. Alls staðar hafi fólk flúið inn í skála í gærkvöldi.
Mest lesið Átök á aðalfundi og lögregla kölluð til Innlent Segir samstarfsfólk Katrínar hafa hvatt sig til að draga sig úr leik Innlent De Niro kallaði Trump skrímsli fyrir utan dómshúsið Erlent „Er búinn að blokka 237 manneskjur á tíu dögum“ Innlent „Fyrirvarinn var í rauninni enginn“ Innlent Sindri Freyr er látinn Innlent Undir yfirborði kosningabaráttunnar kraumi svæsinn slagur Innlent Fyrstu tölur frá Reykjavík ættu að gefa góða mynd af úrslitum Innlent Öllu tjaldað til við opnun nýrra undirganga Innlent Katrín græði stórum á vangetu kjósenda til að kjósa taktískt Innlent Fleiri fréttir Öllu tjaldað til við opnun nýrra undirganga Segir samstarfsfólk Katrínar hafa hvatt sig til að draga sig úr leik Átök á aðalfundi og lögregla kölluð til Undir yfirborði kosningabaráttunnar kraumi svæsinn slagur Bíða krufningar til að varpa ljósi á atburðarásina „Fyrirvarinn var í rauninni enginn“ Fyrstu tölur frá Reykjavík ættu að gefa góða mynd af úrslitum „Er búinn að blokka 237 manneskjur á tíu dögum“ Katrín græði stórum á vangetu kjósenda til að kjósa taktískt Andlát í Bolungarvík og forsetaefni í slorinu Héraðsdómur ruddur vegna fjölskyldutengsla og fyrri starfa dómara Áfengi og fíkniefni mældust í stýrimanninum Tvíburafolöld mætt í heiminn í Suðurnesjabæ Ferðafólki bjargað úr sjálfheldu við Þiðriksvallavatn Þriðjungur þekkir ekki neitt til Eiríks og Viktors Sindri Freyr er látinn Voru látin í einhvern tíma áður en lögregla fór inn Vill sjá leiðtoga á Norðurlöndunum en ekki aumingja og gungur Mótor bátsins var of stór og mennirnir ekki í björgunarvestum Óttast að þvingun og nauðung verði færð í lög Andlát til rannsóknar í Bolungarvík Áhyggjur læknanna ótímabærar og byggðar á misskilningi Ástandið í Hafnarfirði geti haft langvarandi áhrif á börn „Okkar hlutverk að halda utan um hvert annað“ Ræddu lokasprett æsispennandi kosningabaráttu Biður kvikmyndagerðarmanninn afsökunar Tvö látin en ekkert bendi til saknæms atburðar Enginn í haldi í tengslum við mannslát í Bolungarvík Slökkvilið kallað út vegna sprenginga í Hafnarfirði Lögregla rannsakar andlát í Bolungarvík Sjá meira