Margrét Gnarr Íþróttamaður ársins hjá IFBB

Margrét Edda Gnarr var valin Íþróttamaður ársins hjá IFBB, alþjóðasambands líkamsræktarmanna á Íslandi, en hún fékk risastóran farandbikar eins og sjá má á myndinni.

Við spurðum fitnessdrottninguna um þyngd gripsins:   „Ég er ekki búin að vigta bikarinn en hann er allavega þyngsti bikarinn minn um þessar mundir,“ svarar Margrét en hún var tilnefnd ásamt Karen Lind Thompson, sem er þrefaldur Íslandsmeistari í módel fitness, ásamt Kristínu Kristjánsdóttur, sem er Evrópumeistari í figure fitness kvenna. 

„Það er æðislegt að vera tilnefnd með svona gífurlega flottum keppendum. Það að vera valin Íþróttamaður ársins hefur verið draumur frá upphafi og það er þvílíkur heiður.“