Cara Delevingne á lausu

Fyrirsætan Cara Delevingne og leikkonan Michelle Rodriguez eru hættar saman. Þær stöllur hafa vakið athygli síðan þær fóru að stinga saman nefjum á síðasta ári. 

Fjórtán ár skilja Delevingne og Rodriguez að en það ku vera aldursmunurinn sem gerði útslagið fyrir fyrirsætuna sem langar að vera laus og liðug. Hún er á hátindi ferilsins sem ein vinsælasta fyrirsæta í heimi um þessar mundir. 

Delevingne kom hingað til lands fyrir stuttu þar sem hún meðal annars kannaði næturlíf Reykjavíkur og fór í skoðunarferðir um landið.