Viðskipti innlent

Vilja reisa 130 milljóna sleðarennibraut í Hlíðarfjalli

Haraldur Guðmundsson skrifar
Rennibrautin á að liggja niður svokallaða Andrésarbrekku og stólalyfta ferjar fólk upp fjallið.
Rennibrautin á að liggja niður svokallaða Andrésarbrekku og stólalyfta ferjar fólk upp fjallið. Vísir/Vilhelm
Forsvarsmenn sprotafyrirtækisins Zalibunu ehf. vinna að fjármögnun 130 milljóna króna sleðarennibrautar sem þeir vilja opna í Hlíðarfjalli næsta sumar. Samningur við Akureyrarbæ liggur ekki fyrir og bæjaryfirvöld skoða að auglýsa eftir öðrum hugmyndum um uppbyggingu í fjallinu.



Davíð Örn Símonarson, framkvæmdastjóri Zalibunu, segir áform fyrirtækisins hljóða upp á 1.300 metra langa rennibraut sem yrði opin yfir sumartímann. Hann hefur einnig rætt við bæjaryfirvöld um opnun kaffihúss í skíðaskálanum í Hlíðarfjalli.

Davíð Örn Símonarson
„Fjallið er fullkomið fyrir brautina og í kaffihúsinu gætu gestir horft yfir allan Eyjafjörðinn,“ segir Davíð.



Rennibrautin yrði fjármögnuð með 90 milljóna króna hlutafjáraukningu og lánum upp á 40 milljónir. Davíð segir fyrirtækið eiga í viðræðum við ýmsa fjárfesta og nefnir hann fjárfestingarsjóðinn Tækifæri hf. sem er meðal annars í eigu fjárfestingarfélagsins KEA og Akureyrarkaupstaðar. 



„Við erum búin að spjalla við þá í nokkra mánuði og horfum til þess að Tækifæri komi inn í verkefnið með um 30 milljónir króna. Svona verkefni tekur alltaf einhvern tíma en ef við náum að klára fjármögnunina strax í byrjun næsta árs þá væri hægt að hefja framleiðslu á brautinni sjálfri í Austurríki strax í febrúar eða mars. Það myndi þýða að við gætum sett brautina upp í byrjun næsta sumars og opnað hana um næstu verslunarmannahelgi ef allt gengur eftir,“ segir Davíð.



Fréttablaðið greindi í fyrra frá áformum Zalibunu um að reisa sleðabraut og veitingastað í Kömbunum. Að sögn Davíðs hefur nú verið fallið frá þeirri hugmynd því fyrirtækið hefði þar þurft að leggja sex kílómetra veg frá Suðurlandsvegi að starfsstöðinni í Kömbunum með tilheyrandi kostnaði.



Ingibjörg Ólöf Isaksen, formaður íþróttaráðs Akureyrarbæjar, segir enga ákvörðun hafa verið tekna um hvort Zalibuna fái aðstöðu í Hlíðarfjalli. 



„Þetta er allt á umræðustigi og við erum að skoða alla möguleika varðandi fjallið. Við viljum fara rétta leið að þessu og þegar að þessu kemur þá munum við birta auglýsingu og bjóða fólki að koma með hugmyndir að nýtingu í fjallinu,“ segir Ingibjörg. „Svo þyrfti margt að fara í gegn varðandi skipulagsmál og samninga og annað sem tekur tíma. Ég vil ekki vera svartsýn en ég sé þetta því ekki gerast fyrr en í fyrsta lagi á árinu 2016."


Tengdar fréttir

Vilja setja upp rennibraut í Kömbunum

Alls sóttu 207 teymi um þátttökurétt í Startup Reykjavík sem haldið verður í annað sinn í sumar. Meðal félaga sem taka munu þátt er Zalibuna sem hefur áhuga á því að hanna og setja upp sleðarennibraut niður Kambana.

Vantar rússíbana á Íslandi

Fjóra unga nýútskrifaða verkfræðinga dreymir um að setja upp eins konar rússíbana í Kömbunum og í þriðja þætti þáttaraðarinnar "Eitthvað annað“ er fylgst með hópnum stíga fyrstu skrefin til að láta drauminn rætast.




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SYN
7,4
56
183.248
ORIGO
5,32
19
275.503
SJOVA
4,81
22
313.865
TM
3,3
11
132.865
SIMINN
3,27
19
239.725

Mesta lækkun dagsins


Félag
Br.%
Fjöldi
Velta*
EIM
0
4
878
ICEAIR
0
21
14.694
FESTI
0
6
104.486
REITIR
0
10
37.738
EIK
0
4
27.280
Velkomin á Vísi. Þessi vefur notar vafrakökur. Sjá nánar.