Beckham borðar á Búllunni

Breski knattspyrnumaðurinn og sjarmörinn David Beckham gæddi sér á búlluborgara á Hamborgarabúllunni í London í gær. „Hann kvaddi okkur með því að segja „Great burger“ og virtist mjög sáttur með borgarann,“ segir Róbert Aron Magnússon, einn af eigendum Búllunnar í London.

Beckham var með son sinn Romeo með sér. „Þeir ætluðu að taka matinn með sér en ákváðu að tylla sér, enda mjög kósý hérna hjá okkur,“ bætir Róbert Aron við.

Útibú Hamborgarabúllunnar opnaði í London árið 2012 og segir Róbert þekkt andlit gjarnan gæða sér á Búlluborgurum. „Tónlistarmaðurinn Jamie Cullum og sjónvarpskonan Claudia Winkleman hafa til dæmis borðað hérna.“