Kærastinn tekur þátt í Mottumars

Tónlistarmaðurinn Bassi Ólafsson, sem er í dag líklega best þekktur sem Kærastinn, tekur þátt í Mottumars og ætlar að leggja Krabbameinsfélaginu lið.

Bassi tók sér frí frá vinnu einn dag til þess að gera sig sem flottastan fyrir góða málefnið. Hann fékk til að mynda lánuð föt hjá Kormáki & Skyldi og svo sá Habbý á Slippnum um að klippa hann og fríska upp á. Þá endaði hann í sjentilmanna myndatöku hjá Sigurjóni Ragnari, sem stjanaði við hann með myndavélinni.

Afrakstur dagsins var glæsilegt útlit og motta sem á eftir að vaxa og dafna í mánuðinum.

Bassi hefur eins og alþjóð veit vakið talsverða athygli með myndböndum sínum sem Kærastinn og hefur fésbókarsíða kærastans fengið yfir 25.000 læk.

Hér er hægt að finna Kærastann á Mottumars-síðunni. Hér má finna Kærastann á facebook.