Pollapönk fer til Danmerkur

Sigurverari söngvakeppni sjónvarpsins í ár er hljómsveitin Pollapönk með lagið Enga fordóma. 

Ásamt sigurlaginu var það lagið Lífið kviknar á ný í flutningi Sigríðar Eyrúnar Friðriksdóttur sem keppti til úrslita um sæti í Eurvision-keppninni eftir fyrri kosningu.

Flutti Sigríður Eyrún lagið sitt á ensku undir heitinu Up and away en Pollapönk flutti lagið sitt á bæði íslensku og ensku. Sögðu liðsmenn sveitarinnar í kjölfar sigursins að það hefði verið bandaríski tónlistarmaðurinn John Grant sem sneri hluta lagsins yfir á ensku.

Eurovision-keppnin verður haldin í B&W höllinni í Kaupmannahöfn og hefst þann 6. maí næstkomandi.