Loku ekki skotið fyrir sameiningu enn að mati rektors Óli Kristján Ármannsson skrifar 15. apríl 2014 08:44 LbHÍ á Hvanneyri. Meirihluti kennara og rektor LbhÍ eru fylgjandi sameiningu við HÍ, sem og háskólaráð HÍ og rektor. Fréttablaðið/Hörður Dráttur sem orðið hefur á uppáskrift menntamálaráðuneytisins á nýja fjárhagsáætlun Landbúnaðarháskóla Íslands á Hvanneyri (LbhÍ) kann að benda til þess að enn gæti komið til sameiningar skólans og Háskóla Íslands. Þetta er mat Ágústs Sigurðssonar, rektors LbhÍ. Í áætluninni, sem er til þriggja ára, eru seglin dregin saman í rekstrinum um sem nemur 70 milljónum króna á ári. Að óbreyttu segir Ágúst að skera þurfi niður 15 stöðugildi. „Ég heyri það mjög víða þar sem ég kem að menn eru enn að velta þessu fyrir sér,“ segir Ágúst. Það eigi líka við um þá þingmenn sem hafi látið sig málið varða. Honum heyrist margir þeirrar skoðunar að fara eigi leið sameiningar. „En formlega er þetta náttúrlega bara í því ferli að við bíðum eftir að fá samþykkta þessa tillögu okkar um að draga saman seglin. Við höfum hins vegar ekki fengið svar við því enn hvort áætlunin sé samþykkt eða ekki og það þykir mér benda til þess að menn vilji endurskoða þetta.“Ágúst SigurðssonFordæmin eru til Ágúst segir líka tilfinningu sína að heldur sé að draga úr mótstöðunni. „Málið þarf ekki að skoða lengi til að sjá að tækifærin liggja í sameiningunni. Tækifærin liggja ekki í óbreyttu ástandi.“ Áhyggjur þeirra sem hafa verið á móti sameiningu hafa að hluta snúist um framtíð starfsmenntanámsins við skólann, og eins af því að starfsemin minnki og sogist til Reykjavíkur. „En það er alls ekki það sem menn vilja gera, heldur þveröfugt,“ segir Ágúst og bendir á að dæmi séu um að vel hafi tekist til við að efla starfsemi og auka á landsbyggðinni, svo sem þegar skattstofurnar voru sameinaðar ríkisskattstjóra. „Ef menn gera þetta markvisst og meðvitað, þá er það hægt.“ Í byrjun mánaðarins skoruðu um þrír fjórðu akademískra starfsmanna LbhÍ á menntamálaráðherra, rektor LbhÍ og allsherjar- og menntamálanefnd Alþingis að klára sameiningarferli LbhÍ og HÍ. Fyrir helgi samþykkti líka Háskólaráð HÍ ályktun þar sem eftir því var kallað að skoðuð yrðu áfram með opnum huga þau tækifæri sem kynnu að skapast með sameiningu HÍ og LbhÍ. „Háskóli Íslands leggur áherslu á að vísindastarfsemi á sviðum lífvísinda, búvísinda, matvæla- og næringarfræði, matvælaverkfræði, auðlindahagfræði, sjávarrannsókna, umhverfisfræði og landnýtingar verði efld til að skapa grundvöll fyrir sókn. Háskólaráð telur að fjármagn sem varið er til þessara málaflokka sé þjóðhagslega mjög arðbær fjárfesting, og mikilvægt að veita dreifðum kröftum í einn farveg,“ segir í ályktuninni.Kristín IngólfsdóttirVonbrigði segir rektor HÍ Kristín Ingólfsdóttir, rektor HÍ, ræðir líka sameininguna í nýjasta tölublaði Stúdentablaðsins. „Það veldur mér gríðarlegum vonbrigðum ef þetta fer eins og á horfir að það verði ekki úr þessu vegna andstöðu sveitarfélagsins og forystu bændasamtakanna. Ég tel okkur Íslendinga vera að missa af miklu sóknarfæri fyrir báða skólana og samfélagið í heild,“ segir hún þar og bendir á mikilvægi þeirra greina sem tengjast matvælaframleiðslu. „Landbúnaður er að þróast hratt sem þekkingargrein og því fylgja auknar kröfur til náms. Það eru margar spennandi tengingar milli skólanna og ég held að saman gætum við gert mjög góða hluti, ekki síst vegna þess að ráðherra hefur kynnt að slíkri sameiningu muni fylgja fjármunir til uppbyggingar á Hvanneyri til styrkingar á þessum greinum.“ Í grein sem kennararnir við LbhÍ sem skoruðu á ráðherra rituðu í Morgunblaðið fyrir helgi segjast þeir líka telja að „landbúnaðarvísindi og tengdar greinar eigi ekki að vera í einhverju sérhólfi“ heldur sæmi þeim að vera við hlið annarra mikilvægra fræðigreina. „Þetta er líka sú leið sem helstu samstarfsstofnanir okkar í nágrannalöndunum hafa fetað á síðustu árum,“ segir í greininni. „Sjálfskipaðir umsagnaraðilar Borgarbyggðar og Bændasamtaka Íslands hafa án faglegrar röksemdafærslu sett sig gegn sameiningaráformum.“ Fordómar og þröngsýni Starfsfólkið segist í greininni hafa haldið sig til hlés en að nú sé mælirinn fullur. „Við teljum okkur vera í betri aðstöðu til að meta faglega stöðu okkar verkefna umfram hina sjálfskipuðu og óumbeðnu „verndara“. Mikill meirihluti starfsmanna stofnunarinnar hefur nú lýst því yfir að hann styðji áform rektors og menntamálaráðherra.“ Þótt samdráttur opinberra verkefna á landsbyggðinni sé vissulega almennt áhyggjuefni segja starfsmennirnir það ekki geta verið meginrökin þegar komi að sameiningu skólanna. „Grunnhugmynd sameiningar felst í að efla sérstaklega starfsstöðvar LbhÍ á Hvanneyri og Reykjum.“ Starfsmenn Lbhí segjast mótmæla því að „stefnumörkun um framtíð LbhÍ sé rekin með hræðsluáróðri, fordómum, þröngsýni og almennri vanþekkingu á faglegum forsendum háskólarekstrar.“ Fréttaskýringar Mest lesið „Okkur langar að börnin okkar fái öruggan stað til að vera á“ Innlent Lífstíðarfangelsi fyrir að selja dóttur sína Erlent Leitinni að sundmanninum lokið að sinni Innlent Tapaði 20 milljónum á svipstundu við að samþykkja beiðni Innlent Ísrael samþykkir vopnahlé Trumps Erlent Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Innlent Barn fórst í Hvítá í gær Innlent Gróf slagsmál foreldra á fótboltamóti barna reyndust plat Innlent Ákærður fyrir að keyra á hóp fólks í Liverpool Erlent Stærsti óttinn varð að veruleika á þriðja degi af 90 Innlent Fleiri fréttir „Okkur langar að börnin okkar fái öruggan stað til að vera á“ Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Biblíur og Kjarval sameinast í Vestmannaeyjum Tapaði 20 milljónum á svipstundu við að samþykkja beiðni Sjaldséð heimsókn utanríkisráðherra og háar upphæðir sem hverfa Ætla ekki að minnka leyfilegan dagsafla Leitinni að sundmanninum lokið að sinni „Arfavitlaus lausn“ að minnka aflann í hverri veiðiferð Barn fórst í Hvítá í gær Drengurinn er kominn í leitirnar Gróf slagsmál foreldra á fótboltamóti barna reyndust plat Ómetanlegt að koma skilaboðum sinnar kynslóðar á framfæri á svo stórum viðburði Segir ráðgjöf Hafró kippt úr sambandi og „gúmmítékki“ sendur á næstu ríkisstjórn Svæðið sem Veitur vilja girða „óþarflega stórt“ Enn unnið að því að ná dráttarvélinni upp eftir alvarlegt slys í Hvítá Strandveiðifrumvarp „með ólíkindum“ og drama í borðtennisheiminum Gæsluvarðhald framlengt um fjórar vikur Kynna bráðabirgðarúfærslu á strandveiðunum Dómur yfir Bergvini óbreyttur en þarf að greiða hærri miskabætur Fjórtán ára á rúntinum Verst þegar barninu líður eins og það sé annars flokks Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Sjá meira
Dráttur sem orðið hefur á uppáskrift menntamálaráðuneytisins á nýja fjárhagsáætlun Landbúnaðarháskóla Íslands á Hvanneyri (LbhÍ) kann að benda til þess að enn gæti komið til sameiningar skólans og Háskóla Íslands. Þetta er mat Ágústs Sigurðssonar, rektors LbhÍ. Í áætluninni, sem er til þriggja ára, eru seglin dregin saman í rekstrinum um sem nemur 70 milljónum króna á ári. Að óbreyttu segir Ágúst að skera þurfi niður 15 stöðugildi. „Ég heyri það mjög víða þar sem ég kem að menn eru enn að velta þessu fyrir sér,“ segir Ágúst. Það eigi líka við um þá þingmenn sem hafi látið sig málið varða. Honum heyrist margir þeirrar skoðunar að fara eigi leið sameiningar. „En formlega er þetta náttúrlega bara í því ferli að við bíðum eftir að fá samþykkta þessa tillögu okkar um að draga saman seglin. Við höfum hins vegar ekki fengið svar við því enn hvort áætlunin sé samþykkt eða ekki og það þykir mér benda til þess að menn vilji endurskoða þetta.“Ágúst SigurðssonFordæmin eru til Ágúst segir líka tilfinningu sína að heldur sé að draga úr mótstöðunni. „Málið þarf ekki að skoða lengi til að sjá að tækifærin liggja í sameiningunni. Tækifærin liggja ekki í óbreyttu ástandi.“ Áhyggjur þeirra sem hafa verið á móti sameiningu hafa að hluta snúist um framtíð starfsmenntanámsins við skólann, og eins af því að starfsemin minnki og sogist til Reykjavíkur. „En það er alls ekki það sem menn vilja gera, heldur þveröfugt,“ segir Ágúst og bendir á að dæmi séu um að vel hafi tekist til við að efla starfsemi og auka á landsbyggðinni, svo sem þegar skattstofurnar voru sameinaðar ríkisskattstjóra. „Ef menn gera þetta markvisst og meðvitað, þá er það hægt.“ Í byrjun mánaðarins skoruðu um þrír fjórðu akademískra starfsmanna LbhÍ á menntamálaráðherra, rektor LbhÍ og allsherjar- og menntamálanefnd Alþingis að klára sameiningarferli LbhÍ og HÍ. Fyrir helgi samþykkti líka Háskólaráð HÍ ályktun þar sem eftir því var kallað að skoðuð yrðu áfram með opnum huga þau tækifæri sem kynnu að skapast með sameiningu HÍ og LbhÍ. „Háskóli Íslands leggur áherslu á að vísindastarfsemi á sviðum lífvísinda, búvísinda, matvæla- og næringarfræði, matvælaverkfræði, auðlindahagfræði, sjávarrannsókna, umhverfisfræði og landnýtingar verði efld til að skapa grundvöll fyrir sókn. Háskólaráð telur að fjármagn sem varið er til þessara málaflokka sé þjóðhagslega mjög arðbær fjárfesting, og mikilvægt að veita dreifðum kröftum í einn farveg,“ segir í ályktuninni.Kristín IngólfsdóttirVonbrigði segir rektor HÍ Kristín Ingólfsdóttir, rektor HÍ, ræðir líka sameininguna í nýjasta tölublaði Stúdentablaðsins. „Það veldur mér gríðarlegum vonbrigðum ef þetta fer eins og á horfir að það verði ekki úr þessu vegna andstöðu sveitarfélagsins og forystu bændasamtakanna. Ég tel okkur Íslendinga vera að missa af miklu sóknarfæri fyrir báða skólana og samfélagið í heild,“ segir hún þar og bendir á mikilvægi þeirra greina sem tengjast matvælaframleiðslu. „Landbúnaður er að þróast hratt sem þekkingargrein og því fylgja auknar kröfur til náms. Það eru margar spennandi tengingar milli skólanna og ég held að saman gætum við gert mjög góða hluti, ekki síst vegna þess að ráðherra hefur kynnt að slíkri sameiningu muni fylgja fjármunir til uppbyggingar á Hvanneyri til styrkingar á þessum greinum.“ Í grein sem kennararnir við LbhÍ sem skoruðu á ráðherra rituðu í Morgunblaðið fyrir helgi segjast þeir líka telja að „landbúnaðarvísindi og tengdar greinar eigi ekki að vera í einhverju sérhólfi“ heldur sæmi þeim að vera við hlið annarra mikilvægra fræðigreina. „Þetta er líka sú leið sem helstu samstarfsstofnanir okkar í nágrannalöndunum hafa fetað á síðustu árum,“ segir í greininni. „Sjálfskipaðir umsagnaraðilar Borgarbyggðar og Bændasamtaka Íslands hafa án faglegrar röksemdafærslu sett sig gegn sameiningaráformum.“ Fordómar og þröngsýni Starfsfólkið segist í greininni hafa haldið sig til hlés en að nú sé mælirinn fullur. „Við teljum okkur vera í betri aðstöðu til að meta faglega stöðu okkar verkefna umfram hina sjálfskipuðu og óumbeðnu „verndara“. Mikill meirihluti starfsmanna stofnunarinnar hefur nú lýst því yfir að hann styðji áform rektors og menntamálaráðherra.“ Þótt samdráttur opinberra verkefna á landsbyggðinni sé vissulega almennt áhyggjuefni segja starfsmennirnir það ekki geta verið meginrökin þegar komi að sameiningu skólanna. „Grunnhugmynd sameiningar felst í að efla sérstaklega starfsstöðvar LbhÍ á Hvanneyri og Reykjum.“ Starfsmenn Lbhí segjast mótmæla því að „stefnumörkun um framtíð LbhÍ sé rekin með hræðsluáróðri, fordómum, þröngsýni og almennri vanþekkingu á faglegum forsendum háskólarekstrar.“
Fréttaskýringar Mest lesið „Okkur langar að börnin okkar fái öruggan stað til að vera á“ Innlent Lífstíðarfangelsi fyrir að selja dóttur sína Erlent Leitinni að sundmanninum lokið að sinni Innlent Tapaði 20 milljónum á svipstundu við að samþykkja beiðni Innlent Ísrael samþykkir vopnahlé Trumps Erlent Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Innlent Barn fórst í Hvítá í gær Innlent Gróf slagsmál foreldra á fótboltamóti barna reyndust plat Innlent Ákærður fyrir að keyra á hóp fólks í Liverpool Erlent Stærsti óttinn varð að veruleika á þriðja degi af 90 Innlent Fleiri fréttir „Okkur langar að börnin okkar fái öruggan stað til að vera á“ Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Biblíur og Kjarval sameinast í Vestmannaeyjum Tapaði 20 milljónum á svipstundu við að samþykkja beiðni Sjaldséð heimsókn utanríkisráðherra og háar upphæðir sem hverfa Ætla ekki að minnka leyfilegan dagsafla Leitinni að sundmanninum lokið að sinni „Arfavitlaus lausn“ að minnka aflann í hverri veiðiferð Barn fórst í Hvítá í gær Drengurinn er kominn í leitirnar Gróf slagsmál foreldra á fótboltamóti barna reyndust plat Ómetanlegt að koma skilaboðum sinnar kynslóðar á framfæri á svo stórum viðburði Segir ráðgjöf Hafró kippt úr sambandi og „gúmmítékki“ sendur á næstu ríkisstjórn Svæðið sem Veitur vilja girða „óþarflega stórt“ Enn unnið að því að ná dráttarvélinni upp eftir alvarlegt slys í Hvítá Strandveiðifrumvarp „með ólíkindum“ og drama í borðtennisheiminum Gæsluvarðhald framlengt um fjórar vikur Kynna bráðabirgðarúfærslu á strandveiðunum Dómur yfir Bergvini óbreyttur en þarf að greiða hærri miskabætur Fjórtán ára á rúntinum Verst þegar barninu líður eins og það sé annars flokks Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Sjá meira
Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Innlent
Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“
Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Innlent