Simon Cowell tjáir sig um fíkniefnaneyslu

Hinn hvassi og hreinskilni, Simon Cowell hefur nú tjáð sig í fyrsta sinn eftir að Zayn Malik, einn meðlima One Direction náðist á myndbandsupptöku reykja jónu í bíl.

Talið er að myndbandið sé frá því að sveitin skemmti í Perú í aprílmánuði, á leiðinni frá Lima til Estadio Nacional. Í þessu fimm mínútna langa myndbandi heyrist í öðrum meðlimii sveitarinnar, Louis Tomlinson hvetja félaga sig til þess að reykja.

Í samtali við Digital Spy sagði Cowell að myndbandið væri þeirra einkamál og fullyrti að meðlimir sveitarinnar hefðu ekkert breyst og að þeim þætti enn vænt um aðdáendur sína.

„Það sem ég get sagt, er að þeir eru duglegasta hljómsveit sem ég hef nokkurn tímann unnið með,“ sagði Cowell. Hann bætti við að þeir hefðu ekkert breyst og að þeir beri virðingu fyrir aðdáendum sínum.

„Þeir eru frábær útflutningsvara frá Bretlandi, það hefur verið frábært að vinna með þeim. Ég hef unnið með fullt af tónlistarfólki sem glatað hefur virðingunni fyrir aðdáendum sínum en þeir hafa ekki gert það,“ bætti hann við.