Zaragoza tapaði | Jón Arnór skoraði 13 stig

Jón Arnór Stefánsson skoraði 13 stig þegar CAI Zaragoza beið lægri hlut fyrir Murcia, 90-82, í lokaumferð spænsku úrvalsdeildarinnar í körfubolta.

Jón Arnór lék í rúmar 20 mínútur og hitti úr fjórum af þeim sjö skotum sem hann tók í leiknum.

Zaragoza lauk keppni í 8. sæti deildarinnar og mætir Real Madrid í fyrstu umferð úrslitakeppninnar.

Hörður Axel Vilhjálmsson kom ekkert við sögu þegar lið hans, CB Valladolid, tapaði með 28 stigum, 92-64, fyrir Herbalife Gran Canaria.

Valladolid endaði í neðsta sæti deildarinnar, en liðið vann aðeins þrjá af 34 leikjum sínum.