Shirley Temple látin

Shirley Temple dó í gær. Hún var 85 ára gömul. Shirley Temple var einhver frægasta barnastjarna sögunnar. Hún lék í myndum eins og Baby Take a Bow, Bright Eyes, The Littlest Rebel, Heidi, Rebecca of Sunnybrook Farm, A Little Princess, og mörgum fleiri. 

Kvikmyndaferill hennar hófst þegar hún var þriggja ára gömul. Á hápunkti ferilsins var hún vinsælasta kvikmyndastjarnan í Bandaríkjunum. Myndir hennar seldu flesta miða í þrjú ár í röð. Vinsældir hennar döluðu á unglingsárunum og hún hætti alfarið að leika þegar hún var 22ja ára gömul. Hún er í átjánda sæti á lista American Film Industry yfir frægustu kvikmyndastjörnur allra tíma.

Á fullorðinsárum gekk í repúblikanaflokkinn í Bandaríkjunum og tók þátt í stjórnmálum. Hún var um tíma sendiherra Bandaríkjanna í Ghana og í fyrrum Tékkóslóvakíu. 

Í myndum hennar voru gjarnan söng- og dansatriði. Hér að neðan má sjá hana syngja og dansa dúettinn We Should Be Together með George Murphy.