Meira væntanlegt frá Sex and the City dömunum?

Michael Patrick King, höfundur HBO-þáttanna ódauðlegu Sex and The City hefur þegar gert tvær kvikmyndir í fullri lengd um vinkonurnar fjórar.

King segir nú í samtali við Entertainment Weekly að honum finnist ein saga enn ósögð um þær Carrie, Samönthu, Charlotte og Miröndu.

„Það sem ég veit er að það er áhugi fyrir fleiri sögum... Og þetta fjallar allt um sögurnar, og ef manni finnst eitthvað ósagt sem aðdáendum gæti fundist skemmtilegt og spennandi, þá er það spurningin. Ekki hvort þú komist upp með að gera aðra mynd, eða hvort einhver muni kaupa sig inn á hana. Spurningin hlýtur að vera, er nógu og mikið enn ósagt sem myndi réttlæta það að búa til heila bíómynd. Ég held það.“