Endurgerir rassamynd Kim fyrir jólakortið í ár

Ellen DeGeneres frumsýndi jólakortið sitt í ár í spjallþætti sínum í vikunni. Ellen og eiginkona hennar, leikkonan Portia de Rossi, ákváðu að endurgera forsíðumynd tímaritsins Paper þar sem raunveruleikastjarnan Kim Kardashian berar rass sinn.

Á jólakortinu eru þær Ellen og Portia allsnaktar en búnar að koma slaufu fyrir á afturendum sínum.

Þetta er ekki í fyrsta sinn sem Ellen og Portia apa eftir Kim. Jólakort hjónanna í fyrra var endugerð á tónlistarmyndbandinu Bound 2 þar sem Kim og eiginmaður hennar, Kanye West voru ansi innileg á mótorhjóli.