Liverpool fær hægri bakvörð

Liverpool hefur fengið hægri bakvörðinn Javier Manquillo á láni frá Spánarmeisturum Atletico Madrid. Lánssamningurinn er til tveggja ára, en Liverpool á möguleika á að kaupa Spánverjann eftir fyrra árið.

„Ég er mjög ánægður að hafa samið við lið eins og Liverpool,“ sagði Manquillo þegar hann skrifaði undir samninginn við Bítlaborgarliðið.

„Þetta er eitt af stærstu félögum í Evrópu. Hvaða fótboltamaður sem er myndi vilja spila hér,“ sagði Manquillo ennfremur.

Manquillo, sem er tvítugur að aldri, lék þrjá leiki með Atletico Madrid á síðasta tímabili.

Hann er sjöundi leikmaðurinn sem Brendan Rodgers fær til Liverpool í sumar.

#LFC are pleased to announce the signing of Spanish youth international Javier Manquillo from @Atleti #ManquilloLFC pic.twitter.com/gwDJ4k0TJr

— Liverpool FC (@LFC) August 6, 2014