Maðurinn látinn sem lenti í bílslysi á Vesturlandsvegi

Ungi maðurinn sem lenti í bílslysi á Vesturlandsvegi við Fornhvamm í Norðurárdal lést í dag á gjörgæsludeild Landspítalans. Slysið átti sér stað þann 12. janúar síðastliðinn. 

Maðurinn hét Skarphéðinn Andri Kristjánsson og var 18 ára.

Skarphéðinn var ökumaður fólksbifreiðar sem lenti í hörðum árekstri við flutningabifreið sem ók á móti honum.

„Skarphéðinn Andri okkar kvaddi okkur í dag kl. 14:35 og er nú kominn til Önnu Jónu sinnar,“ skrifar Steinunn Rósa Einarsdóttir, móðir Skarphéðins, á fésbókarsíðu sinni í kvöld.

Anna Jóna Sigurbjörnsdóttir, 16 ára, lést einnig í slysinu og var hún unnusta Skarphéðins.