Franska þingið viðurkennir Palestínu

Franska þingið samþykkti í dag yfirlýsingu þar sem Palestína er viðurkennd sem sjálfstætt ríki. Yfirlýsingin var samþykkt með yfirgnæfandi meirihluta en 339 þingmenn greiddu atkvæði með og 151 einn á móti.

Kosningin er ekki bindandi á nokkurn hátt heldur aðeins táknræn. Þó er talið að samþykkt yfirlýsingarinnar setji þrýsting á frönsku ríkisstjórnina um að ganga skrefinu lengra og viðurkenna Palestínu að fullu sem sjálfstætt ríki.

Áður höfðu þing Bretlands, Spánar og Írlands samþykkt svipaða yfirlýsingu.