Eyjakonur úr leik

ÍBV tapaði síðari leiknum gegn ítalska liðinu Jomi Salerno með níu mörkum, 25-34. Eyjastúlkur töpuðu töpuðu einnig fyrri leiknum og eru því úr leik.

Báðir leikirnir fóru fram á Ítalíu, en Salerno var 18-11 yfir í hálfleik. Lokatölur urðu svo eins og fyrr segir 34-25 sigur ítalska liðsins.

Jóna Sigríður Halldórsdóttir var markahæst hjá Eyjastúlkum með átta mörk.

Markaskorarar ÍBV: Jóna Sigríður Halldórsdóttir 8, Telma Amado 3, Elín Anna Baldursdóttir 3, Vera Lopes 3, Sandra Sigurðardóttir 2, Ester Óskarsdóttir 2, Bergey Alexandersdóttir 1, Ásta Björt Júlíusdóttir 1, Sóley Haraldsdóttir 1.