Handbolti

Guðjón Valur markahæstur er Barcelona komst í úrslit

Guðjón Valur er að gera það gott með Barcelona í Katar.
Guðjón Valur er að gera það gott með Barcelona í Katar. mynd/barcelona
Barcelona er komið í úrslit HM félagsliða eftir stórsigur, 39-29, á Al Jaish frá Katar.

Börsungar voru miklu sterkari allan leikinn og leiddu með fimm marka mun í hálfleik, 19-14. Þeir gáfu síðan ekkert eftir í síðari hálfleik og sigldu öruggum sigri heim.

Guðjón Valur Sigurðsson fór á kostum eins og venjulega í liði Barcelona. Hann skoraði sjö mörk og var markahæstur í sínu liði.

Barcelona mun mæta Al Sadd í úrslitaleiknum en Al Sadd kom mjög á óvart með því að leggja Flensburg af velli, 27-26, í hinum undanúrslitaleiknum.

Handbolti

Mest lesið


Fleiri fréttir

Sjá meira


×

Mest lesið