Aron bestur í Meistaradeild Evrópu

Aron Pálmarsson var í dag valinn besti leikmaður úrslitakeppninnar í Meistaradeild Evrópu en það var kunngjört eftir úrslitaleikinn í dag.

Aron var markahæstur í liði Kiel þegar liðið tapaði fyrir Flensburg í úrslitaleiknum, 30-28. Hann skoraði sex mörk og spilaði nánast allan leikinn.

Aron tók við viðurkenningu inni sem var sjálfsagt sárabót eftir að hafa misst af Evrópumeistaratitlinum.

Þetta er frábær viðurkenning fyrir Aron sem er sagður á leið frá Kiel en hann hefur verið orðaður við Barcelona, PSG og Veszprem.