Innlent

Hafa breytt vinnureglum til að tryggja öryggi gagna

Stefán Árni Pálsson skrifar
Innanríkisráðuneytið hefur sent frá yfirlýsingu varðandi lekamálið en grunur er um hvort ráðuneytið hafi lekið persónuupplýsingum um hælisleitanda til fjölmiðla.

Rannsókn lögreglunnar á höfuðborgarsvæðinu hefur leitt í ljós að minnisblað í tengslum við lekamálið var vistað á opnu drifi innanríkisráðuneytisins.

Fram kemur í yfirlýsingunni að rannsókn málsins að hálfu yfirvalda sé ekki enn lokið. Ráðuneytið ítrekar að ráðherra né einstaka starfsmenn geti tjáð sig efnislega um málið að svo stöddu.

Ráðuneytið tekur undir þá gagnrýni sem hefur verið fjallað um að vinnsla og geymsla gagna líkt og þeirra sem um ræðir í máli hælisleitenda eigi ekki að vera vistuð á opnu drifi.

„Þeirri vinnureglu hefur þegar verið breytt til að tryggja aukið öryggi gagna. Um leið skal minnt á að allir starfsmenn ráðuneytisins eru bundnir trúnaði um mál sem til meðferðar eru í ráðuneytinu.“

Í framhaldi af umfjöllun um úrskurð Héraðsdóms Reykjavíkur og dóms Hæstaréttar sem varða upplýsingagjöf blaðamanna vegna gagna um málefni hælisleitanda í svokölluðu lekamáli vill innanríkisráðuneytið taka eftirfarandi fram:

Rannsókn málsins af hálfu yfirvalda er ekki lokið. Niðurstöður Héraðsdóms Reykjavíkur og síðar Hæstaréttar tengjast einungis þeirri kröfu að blaðamenn upplýsi um heimildarmenn sína. Ráðuneytið ítrekar því að á meðan rannsókn málsins stendur yfir getur hvorki ráðherra né einstaka starfsmenn tjáð sig um það efnislega.

Samantektir ráðuneytisins eins og sú sem fjallað er um í dómi Hæstaréttar eru ekki minnisblöð og hafa ekki slíka stöðu í ráðuneytinu þrátt fyrir að einstaka fjölmiðlar og einstaklingar hafi fjallað um málið með þeim hætti.

Slíkar samantektir um feril mála eru alvanalegar í stjórnsýslunni og sú samantekt sem í umræðunni hefur verið er í engu frábrugðin þessari almennu vinnureglu. Fól hún einungis í sér hefðbundna lýsingu á staðreyndum máls, röð afgreiðslna undirstofnana ráðuneytisins og rök lögmanna.

Ráðuneytið ítrekar að engin meiðandi ummæli voru í þeirri samantekt, líkt og einhverjir hafa haldið fram og jafnvel verið dreift af einhverjum sem niðurstöðu ráðuneytisins.

Ráðuneytið hefur áður harmað þá umræðu enda hvergi í gögnum ráðuneytisins að finna slíkar staðhæfingar um umræddan hælisleitenda eins og áður hefur verið skýrt tekið fram.

Ráðuneytið tekur undir þá gagnrýni að vinnsla og geymsla slíkra gagna eigi ekki að fara fram á opnu drifi tölvukerfis.

Þeirri vinnureglu hefur þegar verið breytt til að tryggja aukið öryggi gagna. Um leið skal minnt á að allir starfsmenn ráðuneytisins eru bundnir trúnaði um mál sem til meðferðar eru í ráðuneytinu.



Tengdar fréttir

Lekamálið komið til lögreglunnar

Ríkissaksóknari hefur framsent kæru, vegna leka á persónuupplýsingum hælisleitanda til fjölmiðla, til embættis lögreglustjórans á höfuðborgarsvæðinu. Þetta kemur fram á vef ríkissaksóknara.

Hvatt til óháðrar rannsóknar á lekamálinu

Innanríkisráðherra segir ítarlega rannsókn innan innanríkisráðuneytisins og stofnana þess sýna að minnisblað um hælisleitanda hafi ekki komið úr ráðuneytinu. Mörður Árnason er með minnisblaðið.

Ríkissaksóknari óskar eftir frekari gögnum um lekamálið

Sigríður J. Friðjónsdóttir, ríkissaksóknari, hefur óskað eftir frekari gögnum og upplýsingum frá innanríkisráðuneytinu vegna kæru lögmanns hælisleitenda um leka á trúnaðargögnum úr ráðuneytinu.

Þjóðarsátt um þöggun?

Fyrir skömmu fjölluðu fjölmiðlar um flugslysið sem varð á Akureyri, þann 5. ágúst í fyrra. Samkvæmt gögnum málsins virðast reglur hafa verið brotnar í aðdraganda slyssins. Í desember segir framkvæmdastjóri lækninga og handlækningasviðs á sjúkrahúsinu á Akureyri að samstarfið við Mýflug hafi verið farsælt

Mun ekki tjá sig efnislega um lekamálið fyrr en niðurstaða liggur fyrir

Hanna Birna Kristjánsdóttir, innanríkisráðherra, hefur ítrekað beðist undan því að mæta í viðtal í Kastljósið til að ræða trúnaðarbrest sem kom upp í innanríkisráðuneytinu. Hún hafði áður samþykkt að veita Kastljósi viðtal í vikunni en hefur hætt við það í bili.




Fleiri fréttir

Sjá meira


×