Innlent

Lekamálið ljótur pólitiskur leikur að mati Hönnu Birnu

Kjartan Atli Kjartansson skrifar
Ekki er hægt að skilja Hönnu Birnu öðruvísi en svo að hún líti á lekamálið sem pólitíska aðför að sér.
Ekki er hægt að skilja Hönnu Birnu öðruvísi en svo að hún líti á lekamálið sem pólitíska aðför að sér.
„Þetta er talsvert ljótur pólitískur leikur,“ sagði Hanna Birna Kristjánsdóttir sem svar við óundirbúinni fyrirspurn Bjarkeyjar Gunnarsdóttur Vinstri grænum í þinginu rétt í þessu

Bjarkey og Birgitta Jónsdóttir, kafteinn Pírata, sóttu nokkuð hart að Hönnu Birnu í óundirbúnum fyrirspurnartíma í þinginu nú fyrir stundu, í lekamálinu svokallaða, sem lögreglan rannsakar. Málið snýst um umdeilt minnisblað um hælisleitandann Tony Omos, sem gert var að ósk ráðuneytisins.

Hanna Birna var til dæmis spurð að því hvort ekki væri rétt að hún bæði þá aðila afsökunar, sem hún hefur bendlað við málið en þá er um að ræða Rauða krossinn, lögregluna og útlendingastofnun. Rannsókn hefur leitt í ljós að minnisblaðið hlýtur að hafa borist frá ráðuneytinu til fjölmiðla. Þá sagði Bjarkey að of seint væri að Hanna Birna viki frá tímabundið vegna rannsóknar á lekanum, og því hlyti að afsögn að koma til álita. Bjarkey sagði Hönnu Birnu hafa brugðist skyldum sínum sem ráðherra með að upplýsa um málið. Bjarkey sagði ömurlegt að kalla þetta pólitískan spuna, eins og Hanna Birna hefur gert í fjölmiðlum, til dæmis í hádegisfréttum Ríkisútvarpsins.

Hanna Birna segir að setningum hafi verið bætt við skjal sem sagt er að hafi lekið úr innanríkisráðueytinu sem hafi verið í dreifingu hjá „bloggurum landsins.“ Hanna Birna telur málið vera pólitískt og snúist um hana sjálfa en þá sem um ræðir í umræddu minnisblaði úr innanríkisráðuneytinu.

Hanna Birna ítrekar að málið sé enn í rannsókn lögreglunnar og fullyrðir að hún viti ekki til þess að það skjal sem sé í dreifingu hafi lekið þannig úr innanríkisráðuneytinu. Hún sagði að ef starfsmenn ráðuneytisins hefðu gerst sekir um ólögmætt athæfi yrði brugðist við því. En, hún teldi, og um það ætlaði hún að tjá sig nánar síðar, að um pólitískan spuna væri að ræða og ljótan pólitískan leik. Ekki var hægt að skilja hana öðru vísi en svo að hún teldi að lekinn væri til að koma á sig höggi. En, hún útskýrði ekki nánar hvað fólst í orðum hennar.


Tengdar fréttir

Lekamálið komið til lögreglunnar

Ríkissaksóknari hefur framsent kæru, vegna leka á persónuupplýsingum hælisleitanda til fjölmiðla, til embættis lögreglustjórans á höfuðborgarsvæðinu. Þetta kemur fram á vef ríkissaksóknara.

Hvatt til óháðrar rannsóknar á lekamálinu

Innanríkisráðherra segir ítarlega rannsókn innan innanríkisráðuneytisins og stofnana þess sýna að minnisblað um hælisleitanda hafi ekki komið úr ráðuneytinu. Mörður Árnason er með minnisblaðið.

Ríkissaksóknari óskar eftir frekari gögnum um lekamálið

Sigríður J. Friðjónsdóttir, ríkissaksóknari, hefur óskað eftir frekari gögnum og upplýsingum frá innanríkisráðuneytinu vegna kæru lögmanns hælisleitenda um leka á trúnaðargögnum úr ráðuneytinu.

Mun ekki tjá sig efnislega um lekamálið fyrr en niðurstaða liggur fyrir

Hanna Birna Kristjánsdóttir, innanríkisráðherra, hefur ítrekað beðist undan því að mæta í viðtal í Kastljósið til að ræða trúnaðarbrest sem kom upp í innanríkisráðuneytinu. Hún hafði áður samþykkt að veita Kastljósi viðtal í vikunni en hefur hætt við það í bili.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.