Homeland-stjarna lést úr húðkrabbameini

Leikarinn James Rebhorn lést á heimili sínu á föstudaginn, 65 ára að aldri. Hafði hann barist lengi við húðkrabbamein.

James er hvað þekktastur fyrir að leika föður leikkonunnar Claire Danes í sjónvarpsþáttunum Homeland. 

Ferill hans spannar fimm áratugi og hefur hann líka sést í sjónvarpsþáttum á borð við White Collar, Law & Order og Seinfeld. Þá lék hann í kvikmyndum eins og My Cousin Vinny, Basic Instinct og Cold Mountain.

Meðal þeirra sem hafa vottað James virðingu sína á Twitter er leikstjórinn Roland Emmerich.

„Þetta er dimmur dagur. Ég var að frétta að James Rebhorn væri látinn. Þvílíkir hæfileikar og alltaf gaman að vinna með honum. Hvíl í friði,“ skrifar Roland.

It's a sad day. I just learned James Rebhorn passed. Such a great talent and always a joy to work with. RIP.

— Roland Emmerich (@rolandemmerich) March 23, 2014