Ungur söngfugl með stórkostlega rödd

Ung stúlka kom gestum og gangandi í flóamarkaði í Tennessee heldur betur á óvart á dögunum þegar hún söng bandarískt kántrýlag ásamt lítilli hljómsveit.

Hin níu ára gamla Emi Sunshine söng lagið Blue Yodel no. 6 eftir Jimmie Rodgers og voru gestir flóamarkaðarins dolfallnir yfir hæfileikum stúlkunnar.

Samkvæmt Facebook síðu stúlkunnar, sem hefur fengið töluverða athygli eftir að myndbandinu var deilt á netinu, hefur hún verið að syngja og semja tónlist síðan hún var fimm ára.

Stúlkan kemur úr mjög kirkjurækinni fjölskyldu og hefur sálmasöngurinn í sunnudagsmessunum líklegast reynst góð æfing fyrir þessa ungu og hæfileikaríku stúlku.

Myndbandið má sjá hér að neðan.

Post by Shonna Wright Cline.