Kaupir blóm fyrir milljón

Justin Bieber sendi Selenu Gomez blóm fyrir rúma eina milljón íslenskar krónur í síðustu viku. 

Tónlistarmaðurinn vinsæli hefur verið að reyna að heilla fyrrverandi kærustuna aftur upp úr skónum á síðustu vikum. Parið byrjaði fyrst saman árið 2010 en hætti saman á síðasta ári. 

Vinir Biebers segja hann með Gomez á heilanum og staðráðinn í að byrja með henni aftur. 

Ekki er vitað hvað Gomez, sem er vinsæl söng-og leikkona vestanhafs, finnst um þessar gjafir Biebers. 

Fyrrverandi parið sást svo borða saman morgunverð fyrir stuttu síðan sem kveikti í slúðurmiðlunum sem margir hverjir eru vissir um að parið vinsæla ætli að taka saman aftur.