Sagði Obama og Beyonce eiga í ástarsambandi

Fjölmiðlar í Frakklandi og Bandaríkjunum hafa mikið fjallað um orðróm, sem franski ljósmyndarinn Pascal Rostain átti upphafið af, um að að Barack Obama Bandaríkjaforseti og söngkonan Beyoncé og eiginkona rapparans Jay-Z ættu í ástarsambandi.

Rostain fullyrti þetta í útvarpsþætti á stöðinni Europe 1 í gærmorgun.

„Þetta mun hrista upp í öllu. Allur heimurinn mun tala,“sagði ljósmyndarinn.

Í viðtalinu fullyrti hann einnig að Washington Post myndi fjalla um málið í dag, en blaðamenn þar á bæ var því neitað staðfastlega.

Þegar gengið var á ljósmyndarann eftir viðtalið viðurkenndi hann að um brandara hafi verið að ræða.

Ýmsir fjölmiðlar tóku málið upp í gær, til dæmis hið virta dagblað Le Figaro.

Francois Hollande Frakklandsforseti er staddur í Bandaríkjunum um þessar mundir og hafa franskir fjölmiðlar fylgst með málum þar. Ljósmyndarinn,, sem náði frægum myndum af Hollande sem komu upp um framhjáhald hans, sagði frá þessu meinta ástarsambandi Bandaríkjaforseta.