Samkynhneigður fyrrverandi þingmaður handtekinn í Sotsjí

Ítalskur aðgerðasinni segist hafa verið handtekinn í Sotsjí fyrir að hafa borið fána í regnbogalitunum með áróðri fyrir réttindum hinsegin fólks.

Þetta kemur fram í grein Telegraph um málið.

Vladimir Luxuria, sem áður var sat á þingi fyrir ítalska kommúnistaflokkinn, segir á vefsíðu sinni og Twitter að hún hafi verið í varðhaldi klukkutímum saman áður en henni var svo leyft að fara. Hún veit ekki hvort hún hafi verið ákærð.



Áður en Luxuria var handtekin tísti hún: „Ég er í Sotsjí. Regnbogalitaðar kveðjur framan í Pútin“. Lögregluyfirvöld hafa ekki tjáð sig um málið.

Aðstandendur leikana kannast ekki við málið og lögreglumenn í Sotsjí segja að enginn ítalskur ríkisborgari hafi verið tekinn til yfirheyrslu. 

Sono a Sochi! Saluti con i colori della rainbow, alla faccia di Putin! pic.twitter.com/E68Lgtadgv

— vladimir luxuria (@vladiluxuria) February 16, 2014