Er þetta trúlofunarhringur?

Söngkonan Katy Perry fór út að borða með kærasta sínum, tónlistarmanninum John Mayer, á föstudaginn, sjálfan Valentínusardaginn, í Los Angeles.

Katy bar baug á fingri sem minnti helst á trúlofunarhring en Katy hefur einstaklega gaman af því að fíflast í fólki og láta það halda að hún sé trúlofuð.

Þetta er annar Valentínusardagurinn í röð sem hún hefur gefið sögusögnum þess efnis að hún sé lofuð byr undir báða vængi. Hún bar líka hring á stefnumóti með John í fyrra sem hefði alveg eins getað verið trúlofunarhringur.

Hvorki Katy né John hafa tjáð sig um nýja hringinn og því enn óvíst hvort þetta sé grín eða alvara.