Jay Leno kvaddi með tárin í augunum

Spjallþáttastjórnandinn Jay Leno kvaddi áhorfendur sína í síðasta sinn í gærkvöld. Hefur verið umsjónarmaður The Tonight Show undanfarin 22 ár en nú mun Jimmy Fallon taka við keflinu.

Síðustu gestir Leno voru leikarinn Billy Crystal, raunveruleikastjarnan Kim Kardashian og kántrísöngvarinn Garth Brooks. Þá tóku Jack Black og Oprah Winfrey lagið ásamt Kardashian, og sjálfur Barack Obama Bandaríkjaforseti sendi kveðju sína sem spiluð var af myndbandi.

Leno var með tárin í augunum þegar hann kvaddi áhorfendur heima í stofu og sjá má myndband af kveðjuræðunni í spilaranum hér fyrir neðan.