„Skapandi greinar skila margfalt meiru til baka en lagt er til af ríkinu“

„Þó að sýnt hafi verið fram á með ótvíræðum rannsóknarniðurstöðum að skapandi greinar skili margfalt meiru til baka en lagt er til af ríkinu, þá er enn þrengt að iðnaðinum sem gegnir stóru hlutverki í íslensku atvinnu- og menningarlífi og er virkasti menningarmiðill okkar tíma," segir Magnús Scheving í aðsendri grein í Fréttablaðinu í dag.

Í grein Magnúsar er fullyrt að ef ekki hefði komið til stuðningur hins opinbera hefði Latibær aldrei orðið að veruleika á Íslandi. Þannig hefði íslenskt hagkerfi orðið af fjórum og hálfum milljarði króna, hundruðum starfa og margvíslegri framþróun og eflingu íslensks kvikmyndaiðnaðar hefðu framlög úr ríkissjóð ekki komið til að sögn Magnúsar.

Í lok greinarinnar segir Magnús: „...ég vil trúa því að allir þeir nýliðar á þingi og í ráðherrastólum sjái þann ótvíræða hag þess að styðja við atvinnugreinina og endurskoði framlög sín til íslenskrar kvikmyndagerðar."