Fullkominn leikur Örnu Sifjar gegn toppliðinu ekki nóg

Arna Sif Pálsdóttir, landsliðskona í handbolta, og stöllur hennar í danska úrvalsdeildarliðinu Sk Aarhus töpuðu fyrir toppliði Team Esbjerg, 30-28, á heimavelli í kvöld.

Esbjerg var einnig tveimur mörkum yfir í hálfleik í Árósum í kvöld, 15-17, og innbyrti á endanum bæði stigin. Esbjerg er á toppi deildarinnar með fjórtán stig eftir átta leiki.

Arna Sif fór á kostum í kvöld og skoraði sjö mörk úr sjö skotum. Hún var langbesti leikmaður liðsins og fékk meðaleinkunnina 4,59. Næst á eftir henni kom Anna Okkels með 1,9 í einkunn.

Aðeins Emily Stang Sando, markvörður Esbjerg, fékk hærri einkunn af þeim sem spiluðu leikinn eða 5,16. Hún varði 17 skot af 32 sem gerir 53 prósent hlutfallsmarkvörslu.

Árósaliðið er í sjötta sæti dönsku úrvalsdeildarinnar með sex stig eftir átta umferðir.