Sigurbergur og félagar náðu stigi af lærisveinum Dags

Sigurbergur Sveinsson og félagar hans í HC Erlangen náðu í gott stig á útivelli gegn lærisveinum Dags Sigurðssonar í Füchse Berlín.

Berlínarrefirnir voru fjórum mörkum yfir í hálfleik, 16-12, en nýliðarnir gáfust ekki upp og jafnaði Oliver Hess metin, 26-26, þegar 47 sekúndur voru eftir af leiknum. Það urðu lokatölurnar.

Sigurbergur Sveinsson skoraði þrjú mörk í leiknum, en Petar Nenadic var markahæstur gestanna með sjö mörk. Tékkinn PetrStochl fór á kostum í markinu og varði fjórtán skot.

Füchse er í níunda sæti deildarinnar með níu stig en Erlangen er með sex stig eftir tíu leiki, tveimur stigum fyrir ofan fallsæti. Liðin fyrir neðan það eiga þó þrjá leiki til góða.