Mickey Rourke dekrar kærustuna

Með sitt grófa útlit er hinn 61 árs, Mickey Rourke orðinn nánast óþekkjanlegur eftir fjöldann allan af lýtaaðgerðum.  

Leikarinn sást fyrir skömmu í West Hollywood þar sem hann  eyddi gæðastund með rússnesku kærustunni sinni, Anastassija Makarenko.  Þá kom hann við á Shamrock Tattoo húðflúrastofunni og bætti í safnið sitt en einnig verslaði hann skartgripi fyrir elskuna sína.

Þrátt fyrir rúmlega þrjátíu ára aldursmun hefur parið nú verið saman í fjögur ár en hin fagra Makarenko starfar sem fyrirsæta og hefur einnig leikið rússneska fyrirsætu í kvikmynd Bruce Willis, A Good Day To Die Hard. 



Rourke sýnir gjarnan sínar mjúku hliðar í návist kærustunnar sinnar þó hann sé þekktur fyrir miklar skapsveiflur.