José Mourinho, knattspyrnustjóri Chelsea, kennir Vincente del Bosque, þjálfara spænska landsliðsins, um meiðsli DiegoCosta, stjörnuframherja liðsins.
Costa hefur verið frá vegna meiðsla síðan hann spilaði tvo leiki fyrir Spán í undankeppni EM 2016 á dögunum þegar Spánverjar mættu Slóvökum og Lúxemborg. Bæði hefur hann verið meiddur og veikur.
Mourinho segir Costa ekki lengur með vírusinn sem var að plaga hann, en hann glímir enn við meiðslin sem hann varð fyrir í landsliðsferðinni.
„Honum er batnað af vírusnum, en það var erfitt. Hann þurfti að fara á sjúkraús sem gerir honum augljóslega ekki auðveldara fyrir í endurhæfingunni. Hann spilaði ekki á sunnudaginn vegna meiðslanna - ekki veikindanna,“ sagði Mourinho við portúgalska blaðamenn.
„Diego er tognaður aftan í læri því hann spilaði tvo leiki á þremur dögunum með Spáni.“
Aðspurður hvort hann vonaðist til þess að meiðslavandræði Costa væru senn á enda svaraði Portúgalinn pirraður: „Hann á eftir að spila aftur fyrir landsliðið í nóvember!“
Mourinho: Meiðsli Costa eru Spánverjum að kenna
Tengdar fréttir
Chelsea fær væntanlega háa sekt vegna leiksins á Old Trafford
Chelsea á von á hárri sekt frá enska knattspyrnusambandinu vegna framgöngu leikmanna liðsins á móti Manchester United á Old Trafford í gær.
Neville: Chelsea skortir drápseðli
Lærisveinar José Mourinho leyfðu Manchester-liðunum að stela af sér stigi, segir knattspyrnusérfræðingur Sky Sports.
Ótrúlegt jafntefli á Old Trafford
Manchester United og Chelsea skildu jöfn 1-1 í stórleik dagsins í ensku úrvalsdeildinni í fótbolta í dag. Manchester United jafnaði metin á fjórðu mínútu uppbótartíma.
Sjáðu markið sem rotaði lærisveina Mourinho
Manchester United nældi í dramatískt jafntefli gegn Chelsea í dag með marki á elleftu stundu.
SMS frá Mourinho: Vel gert stóri maður
West Ham hjálpaði Chelsea í ensku deildinni með því að skella Man. City. Það kunni Jose Mourinho, stjóri Chelsea, að meta.
