Spennt yfir Cameron Diaz

Nicole Richie er mjög ánægð með að tvíburabróðir unnusta síns, Benji Madden, sé byrjaður með leikkonunni Cameron Diaz. 

Richie, sem á tvö börn með Joel Madden, var ein af þeim sem koma Diaz saman við mág sinn og er í skýjunum að ráðabrugg sitt hafi gengið upp. 

Hún ku hafa boðið báðum í mat heim til sín og var alveg viss um að þeim myndi koma vel saman. Sambandið, sem er nokkuð nýtt af nálinni, er þó að fara á alvarlegra stig og eyða þau Diaz og Benji Madden öllum lausum stundum saman. 

Diaz hefur áður átt vingott við Jared Leto, Justin Timberlake og Matt Dillon.