Syndir í heitri íslenskri á Freyr Bjarnason skrifar 9. nóvember 2014 09:00 Bombay Bicycle Club Hljómsveitin fór á toppinn í Bretlandi með sína nýjustu plötu. Nordicphotos/Getty Hin vinsæla enska hljómsveit Bombay Bicycle Club spilar í annað sinn hér á landi í Silfurbergi í Hörpu 17. nóvember. Fjögur ár eru liðin síðan hún steig á svið í Listasafni Reykjavíkur á Iceland Airwaves-hátíðinni við góðar undirtektir. „Fyrsta heimsóknin okkar til Íslands kom okkur á óvart. Við spiluðum í listagalleríi, frekar stórum sal, og þar var mikil röð fyrir utan og fullt af fólki. Við bjuggumst ekki við því,“ segir forsprakkinn Jack Steadman. „Við héldum að við myndum kannski spila á litlum utandagskrárstað fyrir kannski tuttugu manns. En þetta var alveg frábært.“ Bombay Bicycle Club spilar melódískt og skemmtilegt indípopp og er skipuð fjórum meðlimum á þrítugsaldri. Vegur sveitarinnar hefur vaxið mjög síðan hún kom síðast hingað. „Við höfum gefið út þrjár plötur síðan þá og ég myndi halda að hljómurinn hefði breyst mikið síðan við spiluðum síðast á Íslandi,“ segir Steadman. „Af því að það er svo langt síðan við komum til Íslands ætlum við að spila lög af öllum plötunum okkar í Hörpu, þar á meðal þeirri fyrstu sem líklegt er að margir Íslendingar þekki.“Gaman á Glastonbury Hljómsveitin hefur verið á tónleikaferð í nánast eitt ár samfleytt og hefur því spilað víða. Á eftir Íslandi ferðast Steadman og félagar til Suður-Afríku en þangað hafa þeir aldrei áður komið. Spurður hverjir minnisstæðustu tónleikarnir hafi verið á ferðalaginu nefnir hann spilamennskuna á Glastonbury-hátíðinni á Englandi í sumar. „Það er stærsta sviðið sem við höfum spilað á og þetta var mjög fallegt sunnudagssíðdegi. Þarna voru fullkomnar aðstæður og allt gekk eins og í sögu.“Fór til Indlands og Tyrklands Fjórða og nýjasta plata Bombay Bicycle Club, So Long, See You Tomorrow, fór beint á toppinn á breska breiðskífulistanum. Áður hafði sveitin mest náð sjötta sætinu á listanum. Toppsætið kom Steadman og félögum á óvart. „Við vorum að vonast til að hún kæmist á topp tíu en við bjuggumst aldrei við því að hún næði efsta sætinu.“ Söngvarinn segist hafa eytt miklum tíma í að semja lögin á plötuna. „Áður höfðu plöturnar komið frekar fljótt út en núna ákvað ég að taka frá heilt ár í að semja lögin. Ég ferðaðist um heiminn og tók hljóðverið mitt með mér hvert sem ég fór. Ég heimsótti Indland, Tyrkland og fleiri staði því ég vildi ekki semja plötu á miðri tónleikaferð. Mér finnst áhrif frá ferðalaginu heyrast á henni. Þarna eru alls konar tónar og sömpl frá mismunandi menningarheimum.“Misstu af Mercury So Long, See You Tomorrow var tilnefnd til hinna virtu Mercury-verðlauna en varð að lúta í lægra haldi fyrir fyrstu plötu Young Fathers. „Ég hugsaði um það morguninn eftir að bandið sem vann verðlaunin var nánast óþekkt í Bretlandi. Núna hafa þeir fengið mikla athygli sem á eftir að hjálpa þeim mikið og ég samgleðst þeim. Ef við hefðum unnið veit ég ekki hvort eitthvað hefði breyst hjá okkur. Við erum nú þegar með stóran aðdáendahóp í Bretlandi og í öllum heiminum og þetta hefði kannski ekki breytt miklu,“ segir Steadman.Harðfiskur og gufubað Hann ætlar að heimsækja Ísland nokkrum dögum fyrir tónleikana í Silfurbergi. „Ég ætla að eyða eins miklum tíma og ég mögulega get á Íslandi,“ segir hann og hefur greinilega miklar mætur á landi og þjóð. Þorbjörg Ósk Eggertsdóttir, sem spilaði með honum á órafmögnuðum tónleikum á Hressó 2012, ætlar að sækja hann á flugvöllinn. „Hún er mjög góður leiðsögumaður. Mig langar að fara í „heitu ána“ langt frá Reykjavík þar sem maður getur synt og svo langar mig að fara í sundlaugar og sánu. Svo langar mig líka í harðfisk, mig dreymir um hann,“ segir hann og hlær. Tónleikarnir í Hörpu hefjast kl. 20 og munu Júníus Meyvant og ÓSK hita upp.U2 úr tengslum við veruleikann U2 gaf nýlega út plötuna Song of Innocence og gátu notendur iTunes hlaðið henni niður ókeypis. Margir hafa gagnrýnt uppátækið og Steadman er sammála þeirri gagnrýni. „Mér fannst þetta mjög heimskuleg hugmynd. Ég trúi ekki hversu stór egóin þeirra eru ef þeir halda að öllum í heiminum finnist þetta frábært,“ segir hann. „Allir gáfaðir einstaklingar myndu átta sig á því að fólk vill ekki fá svona lagað óumbeðið í líf sitt. Þeir [U2] hljóta að vera úr tengslum við veruleikann. Þeir eru orðnir frekar gamlir og ég held að þeir þurfi einhvern yngri til að segja sér hvað almenningur vill.“ Airwaves Mest lesið „Ég trúði því aldrei að ég yrði þessi gaur“ Lífið Sonur Rögnu og Árna kominn með nafn Lífið Frumsýning á Vísi: Eldgos, hamfarir og ást í kitlu fyrir Eldana Bíó og sjónvarp Stjörnulífið: Maraþon, brúðkaup og gellugallinn Lífið Fagurkeri selur miðbæjarperlu Lífið Skúli hannaði hof fyrir Grímu Lífið Kom með blóðugar tær í mark eftir heilt maraþon berfættur Lífið Þetta eru keppendur Ungfrú Ísland Teen 2025 Lífið „Hjálpar okkur í að nýta þjónustu sem er ekki til á Íslandi í dag en ætti að vera til“ Lífið Hegðun Benedikts kom upp um bónorðið Lífið Fleiri fréttir Þetta eru keppendur Ungfrú Ísland Teen 2025 Hegðun Benedikts kom upp um bónorðið „Hjálpar okkur í að nýta þjónustu sem er ekki til á Íslandi í dag en ætti að vera til“ Fagurkeri selur miðbæjarperlu „Ég trúði því aldrei að ég yrði þessi gaur“ Sonur Rögnu og Árna kominn með nafn Stjörnulífið: Maraþon, brúðkaup og gellugallinn Myndaveisla: Vestri fékk konunglegar móttökur á Ísafirði Kom með blóðugar tær í mark eftir heilt maraþon berfættur Tóku hlé í miðju hlaupi til að halda tónleika Skúli hannaði hof fyrir Grímu Fann nýjan tilgang í kjölfar lömunar í kraftlyftingum Eyðir afmælisdegi dótturinnar í fasteignadeilur Eini dagurinn sem hægt er að fara upp í Gróttuvita Krakkatía vikunnar: Menning, bangsar og líffæri Veggjadans á Hörpu og snyrtivörur úr sælgæti Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja 99 ára gömul tombóla á Borg í Grímsnesi og engin núll Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Sjá meira
Hin vinsæla enska hljómsveit Bombay Bicycle Club spilar í annað sinn hér á landi í Silfurbergi í Hörpu 17. nóvember. Fjögur ár eru liðin síðan hún steig á svið í Listasafni Reykjavíkur á Iceland Airwaves-hátíðinni við góðar undirtektir. „Fyrsta heimsóknin okkar til Íslands kom okkur á óvart. Við spiluðum í listagalleríi, frekar stórum sal, og þar var mikil röð fyrir utan og fullt af fólki. Við bjuggumst ekki við því,“ segir forsprakkinn Jack Steadman. „Við héldum að við myndum kannski spila á litlum utandagskrárstað fyrir kannski tuttugu manns. En þetta var alveg frábært.“ Bombay Bicycle Club spilar melódískt og skemmtilegt indípopp og er skipuð fjórum meðlimum á þrítugsaldri. Vegur sveitarinnar hefur vaxið mjög síðan hún kom síðast hingað. „Við höfum gefið út þrjár plötur síðan þá og ég myndi halda að hljómurinn hefði breyst mikið síðan við spiluðum síðast á Íslandi,“ segir Steadman. „Af því að það er svo langt síðan við komum til Íslands ætlum við að spila lög af öllum plötunum okkar í Hörpu, þar á meðal þeirri fyrstu sem líklegt er að margir Íslendingar þekki.“Gaman á Glastonbury Hljómsveitin hefur verið á tónleikaferð í nánast eitt ár samfleytt og hefur því spilað víða. Á eftir Íslandi ferðast Steadman og félagar til Suður-Afríku en þangað hafa þeir aldrei áður komið. Spurður hverjir minnisstæðustu tónleikarnir hafi verið á ferðalaginu nefnir hann spilamennskuna á Glastonbury-hátíðinni á Englandi í sumar. „Það er stærsta sviðið sem við höfum spilað á og þetta var mjög fallegt sunnudagssíðdegi. Þarna voru fullkomnar aðstæður og allt gekk eins og í sögu.“Fór til Indlands og Tyrklands Fjórða og nýjasta plata Bombay Bicycle Club, So Long, See You Tomorrow, fór beint á toppinn á breska breiðskífulistanum. Áður hafði sveitin mest náð sjötta sætinu á listanum. Toppsætið kom Steadman og félögum á óvart. „Við vorum að vonast til að hún kæmist á topp tíu en við bjuggumst aldrei við því að hún næði efsta sætinu.“ Söngvarinn segist hafa eytt miklum tíma í að semja lögin á plötuna. „Áður höfðu plöturnar komið frekar fljótt út en núna ákvað ég að taka frá heilt ár í að semja lögin. Ég ferðaðist um heiminn og tók hljóðverið mitt með mér hvert sem ég fór. Ég heimsótti Indland, Tyrkland og fleiri staði því ég vildi ekki semja plötu á miðri tónleikaferð. Mér finnst áhrif frá ferðalaginu heyrast á henni. Þarna eru alls konar tónar og sömpl frá mismunandi menningarheimum.“Misstu af Mercury So Long, See You Tomorrow var tilnefnd til hinna virtu Mercury-verðlauna en varð að lúta í lægra haldi fyrir fyrstu plötu Young Fathers. „Ég hugsaði um það morguninn eftir að bandið sem vann verðlaunin var nánast óþekkt í Bretlandi. Núna hafa þeir fengið mikla athygli sem á eftir að hjálpa þeim mikið og ég samgleðst þeim. Ef við hefðum unnið veit ég ekki hvort eitthvað hefði breyst hjá okkur. Við erum nú þegar með stóran aðdáendahóp í Bretlandi og í öllum heiminum og þetta hefði kannski ekki breytt miklu,“ segir Steadman.Harðfiskur og gufubað Hann ætlar að heimsækja Ísland nokkrum dögum fyrir tónleikana í Silfurbergi. „Ég ætla að eyða eins miklum tíma og ég mögulega get á Íslandi,“ segir hann og hefur greinilega miklar mætur á landi og þjóð. Þorbjörg Ósk Eggertsdóttir, sem spilaði með honum á órafmögnuðum tónleikum á Hressó 2012, ætlar að sækja hann á flugvöllinn. „Hún er mjög góður leiðsögumaður. Mig langar að fara í „heitu ána“ langt frá Reykjavík þar sem maður getur synt og svo langar mig að fara í sundlaugar og sánu. Svo langar mig líka í harðfisk, mig dreymir um hann,“ segir hann og hlær. Tónleikarnir í Hörpu hefjast kl. 20 og munu Júníus Meyvant og ÓSK hita upp.U2 úr tengslum við veruleikann U2 gaf nýlega út plötuna Song of Innocence og gátu notendur iTunes hlaðið henni niður ókeypis. Margir hafa gagnrýnt uppátækið og Steadman er sammála þeirri gagnrýni. „Mér fannst þetta mjög heimskuleg hugmynd. Ég trúi ekki hversu stór egóin þeirra eru ef þeir halda að öllum í heiminum finnist þetta frábært,“ segir hann. „Allir gáfaðir einstaklingar myndu átta sig á því að fólk vill ekki fá svona lagað óumbeðið í líf sitt. Þeir [U2] hljóta að vera úr tengslum við veruleikann. Þeir eru orðnir frekar gamlir og ég held að þeir þurfi einhvern yngri til að segja sér hvað almenningur vill.“
Airwaves Mest lesið „Ég trúði því aldrei að ég yrði þessi gaur“ Lífið Sonur Rögnu og Árna kominn með nafn Lífið Frumsýning á Vísi: Eldgos, hamfarir og ást í kitlu fyrir Eldana Bíó og sjónvarp Stjörnulífið: Maraþon, brúðkaup og gellugallinn Lífið Fagurkeri selur miðbæjarperlu Lífið Skúli hannaði hof fyrir Grímu Lífið Kom með blóðugar tær í mark eftir heilt maraþon berfættur Lífið Þetta eru keppendur Ungfrú Ísland Teen 2025 Lífið „Hjálpar okkur í að nýta þjónustu sem er ekki til á Íslandi í dag en ætti að vera til“ Lífið Hegðun Benedikts kom upp um bónorðið Lífið Fleiri fréttir Þetta eru keppendur Ungfrú Ísland Teen 2025 Hegðun Benedikts kom upp um bónorðið „Hjálpar okkur í að nýta þjónustu sem er ekki til á Íslandi í dag en ætti að vera til“ Fagurkeri selur miðbæjarperlu „Ég trúði því aldrei að ég yrði þessi gaur“ Sonur Rögnu og Árna kominn með nafn Stjörnulífið: Maraþon, brúðkaup og gellugallinn Myndaveisla: Vestri fékk konunglegar móttökur á Ísafirði Kom með blóðugar tær í mark eftir heilt maraþon berfættur Tóku hlé í miðju hlaupi til að halda tónleika Skúli hannaði hof fyrir Grímu Fann nýjan tilgang í kjölfar lömunar í kraftlyftingum Eyðir afmælisdegi dótturinnar í fasteignadeilur Eini dagurinn sem hægt er að fara upp í Gróttuvita Krakkatía vikunnar: Menning, bangsar og líffæri Veggjadans á Hörpu og snyrtivörur úr sælgæti Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja 99 ára gömul tombóla á Borg í Grímsnesi og engin núll Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Sjá meira