Guðjón Valur öflugur í öruggum sigri

Guðjón Valur Sigurðsson hefur heldur betur stimplað sig inn í lið Barcelona með látum á undanförnum dögum en hann var meðal markahæstu manna liðsins í 34-18 sigri á Eyjaálfumeisturunum í Sydney University í dag í heimsmeistaramóti félagsliða í Katar.

Guðjón Valur var ásamt Joan Saubich og Kiril Lazarov með fimm mörk hver en spænsku landsliðsmennirnir Raul Entrerrios og Victor Tomas bættu við fjórum mörkum hvor.

Eyjaálfumeistararnir náðu að halda í Barcelona í fyrri hálfleik en staðan var 15-12 fyrir Barcelona í hálfleik áður en spænsku meistararnir settu í gír í seinni hálfleik og unnu að lokum öruggan sigur.

Barcelona mætir Esperance Tunis í lokaleik riðilsins á morgun.