Halle Berry eignaðist son

Halle Berry og eiginmaður hennar, franski leikarinn Olivier Martinez, eignuðust son á laugardag. Fyrir á Berry dótturina Nöhlu með kanadísku fyrirsætunni Gabriel Aubry.

Berry sagði í viðtali við sjónvarpsstöðina CNN á sínum tíma að óléttan hefði komið henni mikið á óvart.

„Ég hélt ég væri komin á þann aldur að þetta væri ekki lengur möguleiki. Þetta kom mér því mikið og skemmtilega á óvart. Ég er hamingjusöm og þetta er eitt af því besta sem hefur komið fyrir mig,“ sagði leikkonan sem varð 47 ára gömul í ágúst.

Berry og Martinez giftu sig í Frakklandi í sumar. Parið kynntist fyrst árið 2010 við tökur á kvikmyndinni Dark Tide.