Kraftdrekar fyrir fullorðna Þórdís Lilja Gunnarsdóttir skrifar 18. desember 2013 12:00 Geir Sverrisson og Hjörtur Eiríksson eru þaulreyndir í iðkun vetrarsports með kraftdrekum. Þeir lýsa eftir góðu, íslensku orði yfir "power glide“-sportið. mynd/stefán Íþrótta- og tölvukennarinn Geir Sverrisson nýtur þess að þjóta um heiðar landsins á snjóbretti sem hann knýr áfram með öflugum kraftdreka. Læra þarf sportið undir verndarvæng þaulreyndra aðila og virða dyntótta hegðan vindsins. „Snjóbretti með kraftdrekum sameina heillandi töfra vatna-, snjó- og vindsports. Maður nýtur frelsis í víðáttu náttúrunnar um leið og maður glímir við náttúruöflin og kemst jafn vítt og breitt og á vélsleða,“ segir Geir sem kolféll fyrir sportinu þegar vinur hans gaf honum kraftdreka. „Ég hafði alltaf verið iðinn í snjó- og vindsporti þegar vinur minn sagðist hafa fundið íþrótt sem hentaði mér fullkomlega. Mörgum kraftdrekum seinna er ég orðinn forfallinn iðkandi og stunda þetta helst tvisvar í viku þótt þessi góði vinur minn hafi ekki farið með mér nema í eitt einasta skipti,“ segir Geir og hlær.Vegalengdir verða að engu á kraftdrekum og Geir segir það skottúr að þjóta áfram frá Kömbunum að Skíðaskálanum í Hveradölum.mynd/úr einkasafniGeir á litla og stóra kraftdreka sem hann notar jafnt á skíðum, snjóbrettum og svo sjóbrettum yfir sumartímann. „Öryggis vegna er nauðsynlegt að sýna skynsemi við notkun drekanna og velja rétta stærð miðað við vindhraða. Þá útilokar maður hættu á að lenda í uppstreymi og fara of hátt, en auðvitað gerir maður sér leik að því að stökkva aðeins upp af jörðinni til að komast í nokkurra metra hæð og lenda í flugi sem getur orðið býsna langt,“ útskýrir Geir sem stundar kraftdrekasportið mestmegnis á jafnsléttu en í uppáhaldi eru Mosfellsheiði, Hellisheiði og svæðið að baki Bláfjalla. „Það er hægt að ná yfir hundrað kílómetra hraða á kraftdrekum en sjálfur hef ég mest mælt mig á sextíu kílómetra hraða. Drekanum er stjórnað eins og seglskútu, þvert á vindinn, því þannig nær maður að haga seglum eftir vindi og stýra drekanum til hægri, vinstri, upp í mót og niður eftir þörfum,“ segir Geir en þeir félagar, hann og Hjörtur Eiríksson, eru með þeim duglegri að stunda sportið.Geir segir byrjendur ekki fara á kraftdreka ef vindhraði er meiri en 6 m/s.mynd/úr einkasafni„Kraftdrekasport er jaðaríþrótt og það eru að hámarki tíu manns sem stunda þetta hér á landi enn sem komið er. Það tekur dálítinn tíma að læra réttu tökin en það er ekki líkamlega erfitt og mikilvægast er að gæta fyllsta öryggis,“ segir Geir og tekur fram að vetrarsport með kraftdrekum sé fullorðinsíþrótt fyrir lögráða einstaklinga. „Allt þarf þetta að lærast undir verndarvæng þaulreyndra aðila þar sem kraftdrekar eru ekki alveg hættulausir en þó ekki hættulegir ef farið er varlega. Maður þarf alltaf að vera varkár, virða vindinn og búast við hinu versta því aðstæður geta breyst skyndilega, ellegar eykst hætta á kæruleysismistökum. Það lærist fljótt að lesa í veðrið og með réttri kunnáttu og undirbúningi verður þetta öruggt og stórskemmtilegt vetrarsport.“Þeim sem hafa áhuga á að prófa kraftdrekasport er velkomið að setja sig í samband við Geir og Hjört á Facebook. Þá vill Geir benda á Kite-tilkynningaskylduna þar sem finna má upplýsingar um aðstæður og fróðleik og sjá hvert menn hyggjast fara. Mest lesið „Við erum öll byrjendur á einhverjum tímapunkti“ Lífið Hvernig bíla eiga frambjóðendur? Bílablinda, lögregluleyfi og draumur um Volvo Lífið Sonurinn skírður Lífið „Ég dreg mig í hlé og fer bara og stofna kaffihús“ Lífið Gylfi og Alexandra eiga von á barni Lífið Bernard Hill er látinn Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Gefi raunsanna mynd af stefnumótahremmingum trans kvenna Bíó og sjónvarp Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Fataherbergið seldi henni íbúðina strax Tíska og hönnun Fleiri fréttir „Við erum öll byrjendur á einhverjum tímapunkti“ Sonurinn skírður Gylfi og Alexandra eiga von á barni Bernard Hill er látinn Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Sjá meira
Íþrótta- og tölvukennarinn Geir Sverrisson nýtur þess að þjóta um heiðar landsins á snjóbretti sem hann knýr áfram með öflugum kraftdreka. Læra þarf sportið undir verndarvæng þaulreyndra aðila og virða dyntótta hegðan vindsins. „Snjóbretti með kraftdrekum sameina heillandi töfra vatna-, snjó- og vindsports. Maður nýtur frelsis í víðáttu náttúrunnar um leið og maður glímir við náttúruöflin og kemst jafn vítt og breitt og á vélsleða,“ segir Geir sem kolféll fyrir sportinu þegar vinur hans gaf honum kraftdreka. „Ég hafði alltaf verið iðinn í snjó- og vindsporti þegar vinur minn sagðist hafa fundið íþrótt sem hentaði mér fullkomlega. Mörgum kraftdrekum seinna er ég orðinn forfallinn iðkandi og stunda þetta helst tvisvar í viku þótt þessi góði vinur minn hafi ekki farið með mér nema í eitt einasta skipti,“ segir Geir og hlær.Vegalengdir verða að engu á kraftdrekum og Geir segir það skottúr að þjóta áfram frá Kömbunum að Skíðaskálanum í Hveradölum.mynd/úr einkasafniGeir á litla og stóra kraftdreka sem hann notar jafnt á skíðum, snjóbrettum og svo sjóbrettum yfir sumartímann. „Öryggis vegna er nauðsynlegt að sýna skynsemi við notkun drekanna og velja rétta stærð miðað við vindhraða. Þá útilokar maður hættu á að lenda í uppstreymi og fara of hátt, en auðvitað gerir maður sér leik að því að stökkva aðeins upp af jörðinni til að komast í nokkurra metra hæð og lenda í flugi sem getur orðið býsna langt,“ útskýrir Geir sem stundar kraftdrekasportið mestmegnis á jafnsléttu en í uppáhaldi eru Mosfellsheiði, Hellisheiði og svæðið að baki Bláfjalla. „Það er hægt að ná yfir hundrað kílómetra hraða á kraftdrekum en sjálfur hef ég mest mælt mig á sextíu kílómetra hraða. Drekanum er stjórnað eins og seglskútu, þvert á vindinn, því þannig nær maður að haga seglum eftir vindi og stýra drekanum til hægri, vinstri, upp í mót og niður eftir þörfum,“ segir Geir en þeir félagar, hann og Hjörtur Eiríksson, eru með þeim duglegri að stunda sportið.Geir segir byrjendur ekki fara á kraftdreka ef vindhraði er meiri en 6 m/s.mynd/úr einkasafni„Kraftdrekasport er jaðaríþrótt og það eru að hámarki tíu manns sem stunda þetta hér á landi enn sem komið er. Það tekur dálítinn tíma að læra réttu tökin en það er ekki líkamlega erfitt og mikilvægast er að gæta fyllsta öryggis,“ segir Geir og tekur fram að vetrarsport með kraftdrekum sé fullorðinsíþrótt fyrir lögráða einstaklinga. „Allt þarf þetta að lærast undir verndarvæng þaulreyndra aðila þar sem kraftdrekar eru ekki alveg hættulausir en þó ekki hættulegir ef farið er varlega. Maður þarf alltaf að vera varkár, virða vindinn og búast við hinu versta því aðstæður geta breyst skyndilega, ellegar eykst hætta á kæruleysismistökum. Það lærist fljótt að lesa í veðrið og með réttri kunnáttu og undirbúningi verður þetta öruggt og stórskemmtilegt vetrarsport.“Þeim sem hafa áhuga á að prófa kraftdrekasport er velkomið að setja sig í samband við Geir og Hjört á Facebook. Þá vill Geir benda á Kite-tilkynningaskylduna þar sem finna má upplýsingar um aðstæður og fróðleik og sjá hvert menn hyggjast fara.
Mest lesið „Við erum öll byrjendur á einhverjum tímapunkti“ Lífið Hvernig bíla eiga frambjóðendur? Bílablinda, lögregluleyfi og draumur um Volvo Lífið Sonurinn skírður Lífið „Ég dreg mig í hlé og fer bara og stofna kaffihús“ Lífið Gylfi og Alexandra eiga von á barni Lífið Bernard Hill er látinn Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Gefi raunsanna mynd af stefnumótahremmingum trans kvenna Bíó og sjónvarp Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Fataherbergið seldi henni íbúðina strax Tíska og hönnun Fleiri fréttir „Við erum öll byrjendur á einhverjum tímapunkti“ Sonurinn skírður Gylfi og Alexandra eiga von á barni Bernard Hill er látinn Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Sjá meira