Fyrr var oft í koti kátt Jónas Sen skrifar 10. desember 2013 10:00 Hljómskálakvintettinn Tónlist: Hljómaskálakvintettinn. Öxar við ána – ættjarðarlög Smekkleysa Ég byrjaði mína skólagöngu í Ísaksskóla. Vikan hófst yfirleitt á því að krakkarnir sungu lög á borð við Blessuð sértu sveitin mín, Fyrr var oft í koti kátt og Ó, blessuð vertu sumarsól. Á geisladiskinum Öxar við ána með Hljómskálakvintettinum er að finna mörg þessara laga. Þar eru þau þó ekki sungin af börnum, heldur leikin af fimm málmblásurum, þeim Ásgeiri H. Steingrímssyni, Sveini Þ. Birgissyni, Þorkatli Jóelssyni, Oddi Björnssyni og Bjarna Guðmundssyni. Fimmmenningarnir kalla sig Hljómskálakvintettinn. Sjarmerandi fortíðarljómi er yfir því þegar góðir lúðrablásarar spila ættjarðarlög. Lúðrasveitir voru gríðarlega vinsælar í gamla daga á Íslandi, þ.e. eftir að Helgi Helgason tónskáld stofnaði Lúðurþeytarafélag Íslands árið 1876. Í seinni tíð fer minna fyrir þeim og fátítt að íslensk tónskáld semji verk fyrir þær. Hljómskálakvintettinn samanstendur ekki af áhugafólki og nemendum eins og vaninn er með lúðrasveitir. Þetta eru allt fagmenn, með fremri hljóðfæraleikurum landsins. Útsetningarnar eru flestar eftir Ásgeir, annan trompetleikara hópsins. Þær eru prýðilega gerðar, líflegar og blæbrigðaríkar. Ólíkar raddir eru í skemmtilegu mótvægi hver við aðra. Heildarhljómurinn er þéttur, fínofinn og þægilegur áheyrnar. Hljóðfæraleikurinn er framúrskarandi. Hann er tær og kraftmikill, fallega blátt áfram og fjörlegur. Túlkunin er dillandi og áleitin. Ég held að fólki hljóti að hlýna um hjartaræturnar að heyra gömlu lögin úr barnaskóla spiluð svona vel. Helsti gallinn við geisladiskinn er að maður fær lögin á heilann og getur ekki losnað við þau aftur!Niðurstaða: Ættjarðarlögin eru hér í einkar vönduðum og notalegum búningi. Gagnrýni Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Heitustu trendin fyrir sumarið 2024 Lífið Ásdís Rán býður forsetaefnum á rauða dregilinn Lífið „Blessunarlega ekkert stoppaður af foreldrum mínum“ Tíska og hönnun Hafa ekki sést saman í sjö vikur Lífið Forseti Hæstaréttar og Kristján Loftsson í gámapartýi Lífið Myndaveisla: Sællegar skvísur í sumarfíling Lífið „Fengum ekki sjokk, en við fengum sjokk að hann væri með hjartagalla“ Lífið Diskóstemming í Bíóhöllinni á Akranesi Lífið Fleiri fréttir Falleg tónlist GDRN hljómaði ekki nógu vel Love Lies Bleeding: Ekið af hraðbraut og út í skurð Mislukkuð sýning í Borgarleikhúsinu með góðum sprettum Knox Goes Away: Gamlir en ekki sigraðir Ripley: Listaverk Tom Ripleys fullkomnað Blue Lights: Fljúgandi start Sjá meira
Tónlist: Hljómaskálakvintettinn. Öxar við ána – ættjarðarlög Smekkleysa Ég byrjaði mína skólagöngu í Ísaksskóla. Vikan hófst yfirleitt á því að krakkarnir sungu lög á borð við Blessuð sértu sveitin mín, Fyrr var oft í koti kátt og Ó, blessuð vertu sumarsól. Á geisladiskinum Öxar við ána með Hljómskálakvintettinum er að finna mörg þessara laga. Þar eru þau þó ekki sungin af börnum, heldur leikin af fimm málmblásurum, þeim Ásgeiri H. Steingrímssyni, Sveini Þ. Birgissyni, Þorkatli Jóelssyni, Oddi Björnssyni og Bjarna Guðmundssyni. Fimmmenningarnir kalla sig Hljómskálakvintettinn. Sjarmerandi fortíðarljómi er yfir því þegar góðir lúðrablásarar spila ættjarðarlög. Lúðrasveitir voru gríðarlega vinsælar í gamla daga á Íslandi, þ.e. eftir að Helgi Helgason tónskáld stofnaði Lúðurþeytarafélag Íslands árið 1876. Í seinni tíð fer minna fyrir þeim og fátítt að íslensk tónskáld semji verk fyrir þær. Hljómskálakvintettinn samanstendur ekki af áhugafólki og nemendum eins og vaninn er með lúðrasveitir. Þetta eru allt fagmenn, með fremri hljóðfæraleikurum landsins. Útsetningarnar eru flestar eftir Ásgeir, annan trompetleikara hópsins. Þær eru prýðilega gerðar, líflegar og blæbrigðaríkar. Ólíkar raddir eru í skemmtilegu mótvægi hver við aðra. Heildarhljómurinn er þéttur, fínofinn og þægilegur áheyrnar. Hljóðfæraleikurinn er framúrskarandi. Hann er tær og kraftmikill, fallega blátt áfram og fjörlegur. Túlkunin er dillandi og áleitin. Ég held að fólki hljóti að hlýna um hjartaræturnar að heyra gömlu lögin úr barnaskóla spiluð svona vel. Helsti gallinn við geisladiskinn er að maður fær lögin á heilann og getur ekki losnað við þau aftur!Niðurstaða: Ættjarðarlögin eru hér í einkar vönduðum og notalegum búningi.
Gagnrýni Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Heitustu trendin fyrir sumarið 2024 Lífið Ásdís Rán býður forsetaefnum á rauða dregilinn Lífið „Blessunarlega ekkert stoppaður af foreldrum mínum“ Tíska og hönnun Hafa ekki sést saman í sjö vikur Lífið Forseti Hæstaréttar og Kristján Loftsson í gámapartýi Lífið Myndaveisla: Sællegar skvísur í sumarfíling Lífið „Fengum ekki sjokk, en við fengum sjokk að hann væri með hjartagalla“ Lífið Diskóstemming í Bíóhöllinni á Akranesi Lífið Fleiri fréttir Falleg tónlist GDRN hljómaði ekki nógu vel Love Lies Bleeding: Ekið af hraðbraut og út í skurð Mislukkuð sýning í Borgarleikhúsinu með góðum sprettum Knox Goes Away: Gamlir en ekki sigraðir Ripley: Listaverk Tom Ripleys fullkomnað Blue Lights: Fljúgandi start Sjá meira