Vildu bíða álits forvarnarfulltrúa

„Æskilegt hefði verið að fá álit forvarnarfulltrúa og fjölskyldusviðs á notagildi efnisins sem um ræðir áður en gengið er til samninga hér um,“ bókaðu fulltrúar minnihluta Sjálfstæðisflokks, þegar bæjarráð Hafnarfjarðar samþykkti að semja við Regnbogabörn um fræðslusíðu samtakanna á netinu.

Samhliða samningnum sem bæjarstjóra var falið agf meirihlutanum að gera á að leggja fram umsögn forvarnarfulltrúa og fjölskylduþjónustu.

Sjálfstæðismenn sögðust taka jákvætt í styrk eða samning við Regnbogabörn en sögðust undrast að meirihluti Samfylkingar og VG biðu ekki álits forvarnarfulltrúa og fjölskyldusviðs.