Bæjarfulltrúi vill sprotafélög á Skagaströnd

„Mín hugmynd er sú að efnt verði til samkeppni um sprotafyrirtæki á Skagaströnd,“ segir sveitarstjórnarfulltrúinn Jón Ólafur Sigurjónsson, sem vill efla atvinnulífið á staðnum.

„Í ljósi þess að atvinnuframboð á Skagaströnd er með einhæfasta móti og fá störf í boði fyrir til dæmis háskólamenntað fólk tel ég nauðsynlegt að Sveitarfélagið Skagaströnd komi að uppbyggingu aukins atvinnulífs á staðnum með einum eða öðrum hætti,“ segir Jón.

„Einnig tel ég brýnt að halda áfram því starfi að kynna Skagaströnd sem ákjósanlegan stað til þess að hefja fyrirtækjarekstur á.“